Ester 1:14 - KYERƐW KRONKRON

¹⁴ na wɔn a wɔbɛn no ne: Karsena, Setar, Admata, Tarsis, Meres, Marsena, Memukan, Persia ne Media mmapɔmma baasɔn a wohuu ɔhene anim ne ahenni no mu atitiriw no),

Twerɛ Kronkron

¹⁴ na wɔn a wɔbɛn no ne Karsena, Setar, Admata, Tarsis, Meres, Marsena, Memukan, Persia ne Media mmapɔmma baason a wɔhunu ɔhene anim ne ahennie no mu atitire no,)

Akuapem Twi Nkwa Asɛm

¹⁴ na wɔbɛn ɔhene no sɛ Karsena, Setar, Admata, Tarsis, Meres, Marsena, Memukan, a wɔyɛ akunini baason a wofi Persia ne Media, na wɔyɛ ne nnamfo a wokura dibea akɛse wɔ ahemman no mu no kasae.

New Revised Asante Twi Bible

¹⁴ na wɔn a wɔbɛn no ne Karsena, Setar, Admata, Tarsis, Meres, Marsena, Memukan, Persia ne Media mmapɔmma baason a wɔhunu ɔhene anim ne ahennie no mu atitire no,)

Asante Twi Nkwa Asɛm

¹⁴ Na afotufoɔ no ne Karsena, Setar, Admata, Tarsis, Meres, Marsena, Memukan, a wɔyɛ akunini baason a wɔfiri Persia ne Media. Na wɔyɛ ne nnamfo berɛboɔ a wɔkura dibea akɛseɛ wɔ ahemman no mu.

Ester 1:14 Referencias Cruzadas

2 Ahene 25:19

na kurow no mu nso ɔfaa opiani biako a wɔde no sii akofo no so ne ɔhene afotufo mu mmarima baanum a wohuu wɔn kurow no mu, ne ɔkyerɛwfo, ɔsahene a ɔpɔn asase no so nkurɔfo kɔ ɔsa no ne asase no so nkurɔfo mu mmarima aduosia a wɔwɔ wɔn kurow no mu,

Esra 7:14

Efisɛ ɔhene ne n’agyinatufo baasɔn no asoma wo sɛ kɔ na kɔhwehwɛ Yuda ne Yerusalem mu sɛ wo Nyankopɔn mmara a ɛwɔ wo nsam no te.

Ester 1:15

sɛ: Dɛn na mmara no ka sɛ wɔmfa nyɛ ɔhemmea Wasti, sɛ wanni ɔhene Ahas-weros asɛm a mpiafo no kɔka kyerɛɛ no so no?

Yeremia 52:25

na kurow no mu nso ɔfaa opiani biako a wɔde no sii akofo no so, ne wɔn a wɔne ɔhene tu agyina no mu mmarima baasɔn a wohuu wɔn kurow no mu, ne ɔsahene a ɔpɔn asase no so nkurɔfo kɔ ɔsa no kyerɛwfo ne asase no so nkurɔfo mu mmarima aduosia a wohuu wɔn kurow no mu no,

Mateo 18:10

Monhwɛ, na moammu nkumaa yi mu biako abomfiaa; na mise mo sɛ ɔsoro no, wɔn abɔfo hwɛ m’agya a ɔwɔ soro no anim daa.

Adiyisɛm 22:4

na wobehu n’anim, na ne din wɔ wɔn moma so.