Daniel 3:23 - KYERƐW KRONKRON

²³ Na mmarima baasa yi, Sadrak, Mesak ne Abednego a wɔakyekyere wɔn no hwehwee ogya a ɛrefram fononoo no mu.

Akuapem Twi Nkwa Asɛm

²³ Na Sadrak, Mesak ne Abednego a wɔakyekyere wɔn papee no hwehwee ogya fononoo a ɛredɛw no mu.

New Revised Asante Twi Bible

²³ Na mmarima baasa yi, Sadrak, Mesak, ne Abed-Nego a wɔakyekyere wɔn no hwehwee ogya a ɛrefranam fononoo no mu.

Asante Twi Nkwa Asɛm

²³ Na Sadrak, Mesak ne Abednego a wɔakyekyere wɔn pampee no hwehwee ogya fononoo a ɛrederɛ no mu.

Daniel 3:23 Referencias Cruzadas

Nnwom 34:19

Ɔtreneeni amane dɔɔso, na AWURADE gye no ne nyinaa mu.

Yesaia 43:2

Sɛ woretwa nsu a, me ne wo na ɛwɔ hɔ; na sɛ worefa nsubɔnten mu a, ɛremfa wo nkɔ. Sɛ wonam ogya mu a, ɛrenhyew wo, na ogyaframa renhyew wo.

Yeremia 38:6

Ɛnna wɔfaa Yeremia tow no kyenee ɔhene ba Malkiya abura a ɛwɔ awɛmfo abangua mu no mu, na wɔde ntampehama gyaagyaa no too mu. Nso abura no mu nni nsu, sɛ dontori nko; na Yeremia kɔhyɛɛ dontori no mu.

Daniel 1:7

na apiafohene no totoo wɔn din: Ɔtoo Daniel, Beltesasar, na ɔtoo Hanania, Sadrak, na ɔtoo Misael, Mesak, na ɔtoo Asaria, Abednego.

Daniel 3:24

Ɛnna ɔhene Nebukadnesar ho dwiriw no, na ɔsɔree ntɛmntɛm, na ɔka kyerɛɛ n’agyinatufo no sɛ: So, ɛnyɛ mmarima baasa na yɛkyeree wɔn guu ogya no mu? Wobuaa ɔhene no sɛ: Ampa, ɔhene.

2 Korintofo 4:17

Na yɛn mprempren amanehunu a ɛyɛ hare yi nya daa anuonyam a ɛso kokuroo tra so bebree ama yɛn

Hebrifo 11:34

dum ogya tumi, guan nkrante ano, nyaa ahoɔmmerɛw mu ahoɔden, yɛɛ ɔko mu ahoɔdenfo, kaa ananafo mpasua gui.