Daniel 2:22 - KYERƐW KRONKRON

²² oyi nea emu dɔ ne nea ahintaw adi, onim nea ɛwɔ esum mu, na hann ne no te.

Akuapem Twi Nkwa Asɛm

²² Ɔda nneɛma a mu dɔ na ɛyɛ nwonwa adi, na onim nea ahintaw wɔ sum mu; hann atwa ne ho ahyia.

New Revised Asante Twi Bible

²² ɔyi deɛ emu dɔ ne deɛ ahunta adi, ɔnim deɛ ɛwɔ esum mu, na hann ne no na ɛteɛ.

Asante Twi Nkwa Asɛm

²² Ɔda nneɛma a emu dɔ na ɛyɛ nwanwa adi, na ɔnim deɛ ahinta wɔ sum mu; hann atwa ne ho ahyia.

Daniel 2:22 Referencias Cruzadas

1 Mose 41:16

Na Yosef buaa Farao sɛ: Enni me fam, na mmom Onyankopɔn na ɔmfa mmuae pa mma Farao.

Hiob 12:22

oyi ade kuronkuron adi fi sum mu, na ɔde sum kabii fi ba hann mu;

Hiob 26:6

Asamando da adagyaw n’anim, na nkataso biara nni hɔ mma ɔsɛe amoa.

Nnwom 104:2

Wufura hann sɛ ntama, wotrɛw ɔsoro mu sɛ ntamadan tam,

Nnwom 25:14

AWURADE yi ne tirim asɛm kyerɛ wɔn a wosuro no, na ɔma wohu n’apam no mu.

Nnwom 36:9

Efisɛ wo nkyɛn na nkwa nsuti wɔ, wo hann mu na yehu hann.

Ɔsɛnkafo 8:1

Hena na ɔte sɛ onyansafo? Na ɛhena na onim asɛm ase kyerɛ? Onipa nyansa ma n’anim hyerɛn, na n’anim denyɛ sakra.

Yesaia 41:22

Wɔmfa mmra mmɛkyerɛ yɛn nea ɛbɛba. Monkyerɛ yɛn kan nneɛma no, sɛ ɛte, na yennwen ho nhu n’awiei, anaa nea ɛbɛba no, momma yɛnte.

Yesaia 41:26

Hena na ofi mfiase kae, na anka yenhu, anaasɛ waka ato hɔ, na yɛnka sɛ: Ɔyɛ ɔnokwafo!? Ampa, nea ɔkae nni hɔ nea ɔma wɔtee nni hɔ, nea ɔtee mo nsɛm nni hɔ.

Yesaia 42:9

Kan de no, hwɛ, aba mu, na nneɛma foforo na merekyerɛ, ennya mfii yi merema moate.

Yesaia 45:7

Me na mebɔ hann, na mebɔ sum, mema asomdwoe, na mede amane ba; me, AWURADE, na meyɛ eyinom nyinaa.

Yeremia 23:24

Sɛ obi de ne ho hintaw hintabea bi a, so merenhu no anaa? AWURADE asɛm ni. So ɛnyɛ ɔsoro ne asase na mehyɛ no mama anaa? AWURADE asɛm ni.

Yeremia 33:3

Frɛ me, na megye wo so, na maka wo nsɛm akɛse ne nneɛma a ahintaw a wunhui ɛ.

Daniel 2:11

Na asɛm a ɔhene bisa yi yɛ den dodo, na obi bi nni hɔ a obetumi akyerɛ ɔhene anim, gye anyame a wɔnte adasamma mu no.

Daniel 2:19

Ɛnna woyii ahintasɛm no kyerɛɛ Daniel anadwo anisoadehu mu. Ɛnna Daniel hyiraa ɔsoro Nyankopɔn;

Daniel 2:47

Ɔhene buaa Daniel sɛ: Ampa ara, mo Nyankopɔn yɛ anyame mu Nyame ne ahene wura ne nea oyi ahintasɛm adi, sɛ woatumi ayi saa ahintasɛm yi adi yi.

Daniel 5:11

Ɔbarima bi wɔ w’ahenni mu a anyame kronkron honhom wɔ no mu, na w’agya bere so no, wohuu no mu anitew ne nimdeɛ ne nyansa sɛ anyame nyansa, na w’agya, ɔhene Nebukadnesar, de no sii kurukyerɛwfo, pɛadeahufo, Kaldeafo ne nyankonnekyerɛfo so panyin, w’agya ɔhene no ara,

Daniel 5:14

Na mate wo nka sɛ anyame honhom wɔ wo mu, na wɔahu wo mu anitew ne nimdeɛ ne nyansa a ɛkyɛn so.

Mateo 13:13

Eyi nti na mekasa mekyerɛ wɔn mmebu mu, efisɛ wohu de, nanso wonhu, na wɔte de, nso wɔnte na wɔnte ase.

Yohane 1:9

Nokware hann a ɛhyerɛn ma onipa biara no wɔ hɔ, na ɛno na ɛreba wiase yi.

Yohane 21:17

Osee no ne mprɛnsa so sɛ: Simon, Yohane ba, wodɔ me? Ɛyɛɛ Petro awerɛhow sɛ wabisa no mprɛnsa sɛ: Wodɔ me? Na obuaa no sɛ: Awurade, wunim ade nyinaa, wunim sɛ medɔ wo. Yesu see no sɛ: Yɛn me nguan!

Yohane 8:12

Ɛnna Yesu kasa kyerɛɛ wɔn bio sɛ: Mene wiase hann; nea odi m’akyi no rennantew sum mu, na obenya nkwa hann.

1 Korintofo 4:5

Enti mommpere ho mmmu biribiara ho atɛn, kosi sɛ bere no bedu ansa na Awurade bɛba; ɔno na ɔde nea ahintaw sum mu bɛba hann mu, na wayi komam agyina adi; ɛno ansa na Onyankopɔn de obiara ayeyi bɛma no.

Efesofo 3:5

a awo ntoatoaso bi mu, wɔamma nnipa mma anhu, sɛnea wɔayi adi nnansa yi akyerɛ n’asomafo ne adiyifo kronkron, wɔ honhom mu,

5 Mose 29:28

enti na AWURADE atutu wɔn afi wɔn asase so abufuw ne aboɔhyew ne abohuru kɛse mu na watow wɔn agu asase bi so sɛ ɛte nnɛ yi.

1 Timoteo 6:16

nea ɔno nko wɔ daa nkwa a owu nnim, te hann a obi nnya ho kwan mu, nea nnipa mu biara nhuu no da, na obiara ntumi nhu no no, ɔno na nidi ne daa tumi wɔ no. Amen.

Hebrifo 4:13

Na abɔde biara nni hɔ a ɛnna adi Nyankopɔn anim, na ade nyinaa ho da hɔ, na ɛso abue, nea yɛne no wɔ asɛm no anim.

Yakobo 1:17

Akyɛde pa nyinaa ne adekyɛde a ɛyɛ pɛ nyinaa fi soro, efi hann agya no nkyɛn na ɛba. Ɔno na nsakrae ne adannan sunsuma nni ne mu.

1 Yohane 1:5

Na kaseɛ a yɛtee ne nkyɛn na yɛbɔ mo yi ne sɛ: Onyankopɔn yɛ hann, na esum biara nni ne mu koraa.