Daniel 1:17 - KYERƐW KRONKRON

¹⁷ Na mmerantewa baanan yi, Onyankopɔn maa wɔn nhoma ne nyansa nyinaa mu nimdeɛ ne anitew, na Daniel nyaa anisoadehu ne adae nyinaa mu nhumu.

Akuapem Twi Nkwa Asɛm

¹⁷ Na mmerantewa baanan yi Nyankopɔn maa wɔn nhomanim ne nyansahu nyinaa mu nimdeɛ, na Daniel nyaa anisoadehu ne dae nkyerɛase ho nimdeɛ.

New Revised Asante Twi Bible

¹⁷ Na mmerantewaa baanan yi, Onyankopɔn maa wɔn nwoma ne nyansa nyinaa mu nimdeɛ ne aniteɛ, na Daniel nyaa anisoadehunu ne daeɛ nyinaa mu nhunumu.

Asante Twi Nkwa Asɛm

¹⁷ Na mmerantewaa baanan yi Onyankopɔn maa wɔn nwomanim ne nyansahu nyinaa mu nimdeɛ, na Daniel nyaa anisoadehunu ne daeɛ nkyerɛaseɛ ho nimdeɛ.

Daniel 1:17 Referencias Cruzadas

Yakobo 1:5

Na sɛ ɛka mo mu bi nyansa a, ommisa Onyankopɔn a ɔma nnipa nyinaa ade kwa na ahohora nnim no, na ɔde bɛma no.

1 Ahene 3:12

hwɛ, mayɛ sɛ w’asɛm no se. Hwɛ, mama wo nyansa ne nhumu koma a obiara a odii w’anim nte sɛ wo, na w’akyi nso obi rensɔre a ɔsɛ wo.

Daniel 2:21

ɔno na ɔsakra bere ne nna; otu ahene so, na ɔma ahene so; ɔma anyansafo nyansa, na ɔma wɔn a wonni nhumu nimdeɛ;

Hiob 32:8

Ampa, honhom a ɛwɔ ɔdesani mu ne Otumfo ahome na ɛma no nhumu.

Daniel 2:23

Wo, m’agyanom Nyankopɔn, na meda wo ase miyi wo ayɛ, sɛ woama me nyansa ne tumi, na afei woayi nea yɛsrɛɛ wo akyerɛ me, sɛ woama yɛahu ɔhene asɛm no.

Kolosefo 1:9

Ne saa nti, yɛn nso, efi da a yɛtee no, yennyaee mo ti so mpaebɔ ne nkotosrɛ, sɛ ne pɛ mu nimdeɛ nhyɛ mo ma, honhom, nyansa ne ntease nyinaa mu,

Mmebusɛm 2:6

Na AWURADE na ɔma nyansa, n’anom na nimdeɛ ne ntease fi ba.

Asomafo 6:10

nanso wɔantumi annyina nyansa ne honhom a ɔde kasae no ano.

Yakobo 1:17

Akyɛde pa nyinaa ne adekyɛde a ɛyɛ pɛ nyinaa fi soro, efi hann agya no nkyɛn na ɛba. Ɔno na nsakrae ne adannan sunsuma nni ne mu.

Asomafo 7:22

Na wɔkyerɛɛ Mose Misraimfo nyansa nyinaa, na ɔyɛɛ den wɔ ne nsɛm ne nneyɛe mu.

Daniel 10:1

Persia hene Kores afe a ɛto so abiɛsa mu no, woyii asɛm bi adi kyerɛɛ Daniel a wɔtoo no din Beltesasar, na asɛm no yɛ nokware, na ɔko no so; na ɔtee asɛm no ase, na onyaa adehu no mu nhumu.

Hesekiel 28:3

hwɛ, woyɛ onyansafo sen Daniel, ahintasɛm biara ankyɛn wo,

2 Berɛsosɛm 26:5

Na ɔhwehwɛɛ Onyankopɔn nna a Sakaria a ɔyɛ Onyankopɔn adehu mu nhumufo no wɔ hɔ no nyinaa, na nna nso a ɔhwehwɛɛ AWURADE no, Onyankopɔn ma odii yiye.

4 Mose 12:6

Na ɔkae sɛ: Muntie me nsɛm a sɛ AWURADE diyifo bi wɔ mo mu a, adehu mu na mema ohu me, ɔdae mu na mekasa mekyerɛ no:

Asomafo 7:10

Na oyii no fii n’amanehunu nyinaa mu, na ɔmaa no adom ne nyansa Misraim hene Farao anim, na ɔde no sii Misraim ne ne fi nyinaa so amrado.

Daniel 7:1

Babel hene Belsasar afe a edi kan mu no, da bi a Daniel da ne mpa so no, ɔsoo dae huu anisoade bi; ɛnna ɔkyerɛw ɔdae no kaa nsɛm no mu ade titiriw.

Daniel 2:19

Ɛnna woyii ahintasɛm no kyerɛɛ Daniel anadwo anisoadehu mu. Ɛnna Daniel hyiraa ɔsoro Nyankopɔn;

Luka 21:15

Na me na mɛma mo ano ne nyansa a mo atamfo nyinaa rentumi ntua ano na wɔrennyina anim.

Yesaia 28:26

Efisɛ wɔakyerɛ no ne yɛbea a eye, ne Nyankopɔn na ɔkyerɛɛ no.

Ɔsɛnkafo 2:26

Na onipa a oye wɔ Onyankopɔn anim no, ɔma no nyansa ne nimdeɛ ne anigye, na ɔdebɔneyɛfo de, ɔma ɔhaw ne ho tase ade boa ano de ma nea oye Onyankopɔn anim. Eyi nso yɛ ahuhude ne ɔdadwen hunu.

2 Berɛsosɛm 1:10

afei, ma me nyansa ne nimdeɛ na mimfi adi ɔman yi anim na memmra mu, na ɛhena na obebu wo man kɛse yi atɛn?

1 Ahene 3:28

Na Israel nyinaa tee atɛn a ɔhene bui no, wosuroo ɔhene anim, efisɛ wohui sɛ Onyankopɔn nyansa wɔ no mu a ɔde bu atɛn.

Daniel 8:1

Ɔhene Belsasar ahenni afe a ɛto so abiɛsa mu no, anisoadehu bi yii ne ho kyerɛɛ me, Daniel, kan de a eyii ne ho kyerɛɛ me no akyi.

Daniel 5:14

Na mate wo nka sɛ anyame honhom wɔ wo mu, na wɔahu wo mu anitew ne nimdeɛ ne nyansa a ɛkyɛn so.

2 Berɛsosɛm 1:12

nyansa ne nimdeɛ no, wɔde ama wo, na ahonya ne akorade ne anuonyam nso, mɛma wo, a ahene a wodii w’anim no nnyaa no saa da, na w’akyi nso wɔrennya no saa.

Daniel 1:4

mmerantewa a wɔn ho nni dɛm na wɔn ho yɛ fɛ, na wɔn ani atew, nyansa nyinaa mu, na wonim de na wɔwɔ nhumu, na wobetumi agyina ɔhene aban mu, na ɔnkyerɛ wɔn mma wonsua Kaldeafo nhoma ne kasa.

Daniel 1:18

Na bere a ɔhene kae sɛ wɔmfa wɔn mmra no dui no, apiafohene no de wɔn baa Nebukadnesar anim.

Daniel 1:20

Na nyansa ne nhumu asɛm biara a ɔhene bisaa wɔn no, ohuu wɔn sɛ wɔkyɛn akurukyerɛwfo ne pɛadeahufo a wɔwɔ n’ahenni nyinaa mu nyinaa mpɛn du.

Daniel 2:30

Na me de, ɛnyɛ nyansa a ɛwɔ me mu sen ateasefo nyinaa nti na wɔayi ahintasɛm yi akyerɛ me, na nea ɛbɛyɛ na wɔakyerɛ ɔhene nkyerɛase no, na woahu wo koma mu adwene no ntia.

Daniel 4:6

Enti mehyɛɛ mmara sɛ wɔmfa Babel anyansafo mmra m’anim, na wɔmmɛkyerɛ me ɔdae no ase.