1 Berɛsosɛm 3:2 - KYERƐW KRONKRON

² Nea ɔto so abiɛsa ne: Absalom a ɔyɛ Gesur hene Talmai babea Maaka ba. Nea ɔto so anan ne Adonigya a ɔyɛ Hagit ba.

Twerɛ Kronkron

² Deɛ ɔtɔ so mmiɛnsa ne Absalom a ɔyɛ Gesurhene Talmai babaa Maaka ba. Deɛ ɔtɔ so nnan ne Adoniya a ɔyɛ Hagit ba.

Akuapem Twi Nkwa Asɛm

² Ne ba a ɔto so abiɛsa no, na wɔfrɛ no Absalom. Na ne na din de Maaka a na ɔyɛ Gesurhene Talmai babea. Ne ba a ɔto so anan din de Adoniya a ne na din de Hagit.

New Revised Asante Twi Bible

² Deɛ ɔtɔ so mmiɛnsa ne Absalom a ɔyɛ Gesurhene Talmai babaa Maaka ba. Deɛ ɔtɔ so nnan ne Adoniya a ɔyɛ Hagit ba.

Asante Twi Nkwa Asɛm

² Ne ba a ɔtɔ so mmiɛnsa no, na wɔfrɛ no Absalom. Na ne maame din de Maaka a na ɔyɛ Gesurhene Talmai babaa. Ne ba a ɔtɔ so ɛnan din de Adoniya a ne maame din de Hagit.

KYERƐW KRONKRON

² Nea ɔto so abiɛsa ne: Absalom a ɔyɛ Gesur hene Talmai babea Maaka ba. Nea ɔto so anan ne Adonigya a ɔyɛ Hagit ba.

1 Berɛsosɛm 3:2 Referencias Cruzadas

1 Berɛsosɛm 2:23

Na Gesur ne Aram gyee Yair atenae no fii wɔn nsam, Kenat ne ɛho nkurowa, ɛyɛ nkurow aduosia. Eyinom nyinaa yɛ Gilead n’agya Makir mma.

1 Ahene 1:5

Absalom wu akyi no, Hagit ba Adonigya maa ne ho so kae sɛ: Me na medi hene. Na osiesiee nteaseɛnam ne apɔnkɔsotefo ne mmarima aduonum a wɔbɛbɔ ne ho ban

2 Samuel 18:33

Na ɔhene ho popoe na ɔforo kɔɔ kurow pon no so pia mu, na osui. Na ɔrekɔ no, ɔkae sɛ: O Me ba Absalom, me ba, me ba Absalom! Ɛkaa me nko a, anka misii w’ananmu wui! Absalom, meba, me ba!

2 Samuel 18:18

Nso Absalom te ase no, osii nkae dum bi a ɛwɔ ɔhene bon mu fae, na ose: Minni ɔbabarima a wɔde no bɛkae me din. Na ɔde ne din too odum no, na wɔfrɛ no Absalom sɛnkyerɛnne besi nnɛ.

2 Samuel 18:14

Na Yoab kae sɛ: Merentwentwɛn me nan ase w’anim sa. Na ɔfaa mpɛmɛ abiɛsa kurae na ɔde kɔwowɔɔ Absalom komam bere a ɔda so yɛ anikan odupɔn no mu.

2 Samuel 15:8

Efisɛ metenaa Gesur wɔ Aram no w’akoa hyɛɛ bɔ sɛ: Sɛ AWURADE de me san ba Yerusalem a, ɛnne mɛsom AWURADE.

2 Samuel 14:32

Na Absalom ka kyerɛɛ Yoab sɛ: Hwɛ, masoma maba wo nkyɛn sɛ: Bra na mensoma wo ɔhene nkyɛn nkose no sɛ: Ɛdɛn nti na mifi Gesur mebae? Eye ma me sɛ anka meda so mewɔ hɔ. Enti afei mehu ɔhene anim; na sɛ ɛso bi da me so a, onkum me.

2 Samuel 14:23

Na Yoab siim kɔɔ Gesur kɔfaa Absalom baa Yerusalem.

2 Samuel 13:38

Na Absalom guan kɔɔ Gesur no, ɔtenaa hɔ mfe abiɛsa.

2 Samuel 13:1

Na eyi akyi no na Dawid ba Absalom wɔ nuabea fɛfɛ bi a ne din de Tamar, na Dawid ba Amnon pɛ no.

2 Samuel 3:4

Na nea ɔto so anan ne Adonigya a ɔyɛ Hagit ba. Na nea ɔto so anum ne Abital ba Sefatia.

Yosua 13:13

Nanso Israelfo antu Gesurfo ne Maakatfo, na Gesurfo ne Maakatfo no tenaa Israel mu de besi nnɛ.

2 Samuel 3:3

Na nea ɔto so abien ne Kileab a Abigail, Karmelni Nabal yere no woo no. Na nea ɔto so abiɛsa ne Absalom a ɔyɛ Gesur hene Talmai babea Maaka ba.

1 Ahene 2:22

Na ɔhene Solomon bua ka kyerɛɛ ne na sɛ: Na adɛn nti na wubisa Sunamni Abisag ama Adonigya? Bisa ahenni no nso ma no, na ɔno ne me nua a ɔsen me panyin, bisa ma no ne ɔsɔfo Abiatar ne Seruia ba Yoab.

1 Berɛsosɛm 3:1

Na eyinom ne Dawid mma a wɔwoo wɔn maa no Hebron: N’abakan Amnon ne Yesreelni Ahinoam ba. Nea otia abien ne: Daniel a ɔyɛ Karmelni Abigail de.

1 Berɛsosɛm 3:3

Nea ɔto so anum ne Sefatia a ɔyɛ Abital ba. Nea ɔto so asia ne Yitream a ɔyɛ ne yere Egla ba.

1 Ahene 1:6

Nanso n’agya anka asɛm a ɛyɛ yaw bi ankyerɛ no da sɛ: Adɛn na woyɛ sɛɛ yi? Na ɔno nso yɛ ɔhoɔfɛfo, na ɔno na wɔwoo no dii Absalom akyi.