Biblia Todo Logo
La Biblia Online

- Anuncios -




Marko 1:1 - I Biblija ki Arli romani čhib

1 Akavai o anglunipe oto Šukar lafi e Isuse Hristestar, e Devlesere Čhavestar.

Ver Capítulo Copiar

Biblija pe romani čhib

1 Akava si početko e Bahtale nevimatako katar o Isuso Hristo, Čhavo e Devlesko.

Ver Capítulo Copiar

E Devleso Lafi ko Gurbetsko dijalekt

1 Gija počnil o Lačho Lafi taro Isus Hrist, tare Devleso Čhavo.

Ver Capítulo Copiar




Marko 1:1
23 Referencias Cruzadas  

A o učenici ano čamco pele ko kočija anglo Isus hem phende: “Tu čače injan o Čhavo e Devlesoro!”


Sar vaćeri ine adava, učharđa len jekh sjajno oblako hem taro oblako šundilo glaso savo vaćerđa: “Akavai mlo Čhavo o manglo. Oleja injum bahtalo. Ole šunen!”


Tegani taro nebo šundilo o glaso e Devlesoro: “Akavai mlo Čhavo o manglo. Oleja injum bahtalo!”


Tegani alo koro leste o beng kova kušini hem phenđa lese: “Te injan o Čhavo e Devlesoro, vaćer akale barenđe te oven maro.”


A o anđeo phenđa laće: “O Sveto Duho ka huljel upra tute hem o zoralipe e Najbare Devlesoro ka učhari tut. Adalese adava čhavo, kole ka bijane, ka ovel sveto hem ka vičini pe Čhavo e Devlesoro.


I o Lafi ulo manuš hem alo te živini maškar amende. Amen dikhljam lesiri slava, i slava e jekhore Čhavesiri kova alo e Dadestar. Ov inele pherdo milost hem čačipe.


I me dikhljum adava hem adalese svedočinava dai ov o Čhavo e Devlesoro.”


Tegani o Natanail phenđa lese: “Rabi, tu injan o Čhavo e Devlesoro! Tu injan o Caro e Izraelesoro!”


Ali akavai pisime te verujinen dai o Isus o Hrist, o Čhavo e Devlesoro, hem te šaj, verujindoj, ovel tumen dživdipe ano lesoro anav.


Adalese so, o Devel edobor manglja e manušen taro sveto da dinđa ple jekhore Čhave, da đijekh kova verujini ano leste te na merel, nego te ovel le večno dživdipe.


hem amen poverujinđam hem džanaja da tu injan o Sveco e Devlesoro.”


– počindoj e Jovanesere krstibnastar hem sa đi o dive kad amendar legardilo ko nebo – zajedno amencar te ovel svedoko lesere uštibnastar taro mule.”


Angleder so o Isus alo, o Jovan o Krstitelj propovedinđa sa e izraelesere narodose da valjani te pokajinen pe hem te krstinen pe.


Adalese so, okova so o Zakoni našti ine te ćerel, zbog o bizoralipe e telosoro, ćerđa o Devel ađahar so bičhalđa ple Čhave ano obličje e grešnone telosoro te ovel žrtva zako greh. Hem ađahar osudinđa o greh ano telo,


Ov, kova čak ni ple Čhave na poštedinđa, nego dinđa le te merel zako sarijenđe amenđe, sigurno ka del amen hem sa aver zajedno oleja.


Síguenos en:

Anuncios


Anuncios