Matthew 26:64 - Muklom

⁶⁴ Jesu aa piq ma batta, “Nang hun thang aa raaq tu, etharin nga nang ma ira tho bat eq phang, thang wang nang aa Miqna Sa sha Tarong wa jakqhak o tong atha kap khi nu, etho rangkan phun o kapha tha kap khi nu.”

ASII LAKDAP Bible (BSI)

⁶⁴ Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Hawa Naga Bible 2001

⁶⁴ Yesu rueq tvralc tueq, “Mnoz rueq jungx vshuiux kvkhoc rvtueq. Yuq muinz ngaz rueq nuimshiq lotlaz muex jungx kuq ix, Miq Saz vruex kuex Tvphaungc Tvsuip waz yauk keq kox nuex ngaungc vtueq raungmungx wawc phuemx htenc rulc httuiuc kaz yaq kuex nuimshiq rueq khiz shuinx!” ngoz tueq piq muex ngoz tueq.

Matthew 26:64 Referencias Cruzadas

Matthew 16:27

Chammatakoi, Miqna Sa urangkamwa tang jamoq, uwa phun amun o kaa phana etho piq aa thaji miqtang ma ning jaksom rangma jakthang kona.

Matthew 16:28

Nga asing batphang, Miqna Sa tha Lungwang ang eq kapha sha khi wey min náng duk, thanga iro lang aa chamtey miqtang sha ti moq angna.”

Matthew 22:44

‘Teyhungwa aa i Teyhungwa ma batta, “Nga ba raltang tha bajaa khung o shing wey mong náng duk, Nang i jak qhak ko o tong u.”’”

Matthew 24:30

“Esho sey Miqna Sa maal sha rangkang na takhina, etho mingkang haq thaji miqtang jujong aa qhapngey na. Etho Miqna Sa tha tarong ni ajong phun amun jamoq rangkang wang phun sho ta khina.

Matthew 25:31

“Miqna Sa piq phun amun jamoq etho rangkamwa tang thaji jam tho kapha jo, piq lungwang tongching shina sey tong na.

Matthew 26:25

Piq thalot tey wa Judas aa batta, “Tatalteywa, eshi nga i?” Jesu aa piq ma batta, “Nang aa battu.”

Matthew 27:11

Jesu Rome governor relna lang atho, piq aa Jesu ma pitta, “Nang Jehudi tang lungwang i?” Jesu aa piq ma batta, “Nang hun irimal raaq u.”

Matthew 28:18

Jesu ning relnáng thu eq batta, “Mungtan ni mingkang thaji authority tha ijak o kochak tapha.

Matthew 8:20

Jesu aa thawel batta, “Inkaku tang ma ubung atha etho wo tang ma tho utip atha, etharin Miqna Sa ma uwol nia nángtong angma katáng ahung.”

Mark 14:62

Jesu aa batta, “Nga ang ang, etho Miqna Sa Shkewa jakqha kona tong eq etho Mungtan wang phun jamoq ka eq nim aa khinin!”

Luke 21:27

Eshi rangham tho, Miqna Sa rapney tarong wang etho phun amun phun jamoq kaphana.

Luke 22:69

Etharin thaney jiwang Miqna Sa raa Shkewa jakqha kona tong na.”

Luke 22:70

Ning thaji aa batta, “Nang raa Shkewa sa i?” Piq aa ning ma thawel batta, “Nga raa ta nim aa battin.”

John 18:37

Pilate aa Jesu ma batta, “Nang raa lungwang i?” Jesu aa thawel batta, “Nga raa lungwang ta nang aa hun bat phu. Nga asing raaq bat ma iri mingkang ro chang ka taphang. Bara asing wang, ning aa i raaq tat na.”

Acts 1:11

Etho ning ma batta, “Galilee miqtang, nim aa cham ma ira ro hun lang eq rangkang ko náng siin chey inn? Ira Jesu tha, bara nim relwang mungtan náng solta, irimal hun mungtan wang kapha sha nim aa khi nin.”

Romans 14:10

Irimal ang jo nim aa nim no shi chamma phung inn? Etho nim aa nim no shi chamma miiksuk inn? Chammatakoi hiqtang thaji Shkewa khaphung lungwang tongching relna ulang ang ni.

1 Thessalonians 4:16

Chammatakoi jujong aa raaqkhat jamoq etho rangkamwa tang solwa tharaaq jamoq etho Shkewa lirong tom sha tat jamoq Teyhungwa mungtan wang kapha na, etho utang Khristo ma han eq ti ta ning jakho jey na.

Hebrews 1:3

Usa sha Shkewa phun amun wallit etho thaji na Shkewa mal, etho piq aa thaji tangwang tang sha utarong wang rimrang aa. Piq aa ngarey tang sha khol jio mungtan náng wang eq Ajong Uwa jakqkha kho sho tong ta.

Hebrews 12:2

Hiqtang kam taphang tey etho khakla ma shingtey Jesu shi siin inn; piq jakho na angta eshi sungrang rangma, piq rakri shima tathin hunga, bólq tsamnang sha nan ta; etho Shkewa lungwang tongching jakqha kona tong ta.

Revelation 1:7

Siin inn, piq phun tang jamoq kapha; thaji miik eq piq sha khina, utang eq piq tasam ta, ning aa tho piq tha ukhi eq na, etho mingkang thaji miqtang ma piq tungkang o tin tashit na. Irimal hun cham ang aa! Amen.

Revelation 20:11

Etho nga ashey apung lungwang tongching etho eshina ashey tong chey atha khi táng. Piq jakho wang mingkang nia rangkan jol chuwang ta etho eshirangma katáng kap moq angta.