Matthew 24:30 - Muklom

³⁰ “Esho sey Miqna Sa maal sha rangkang na takhina, etho mingkang haq thaji miqtang jujong aa qhapngey na. Etho Miqna Sa tha tarong ni ajong phun amun jamoq rangkang wang phun sho ta khina.

ASII LAKDAP Bible (BSI)

³⁰ Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Hawa Naga Bible 2001

³⁰ Kvruex kaq Miq Saz vruex vromz yac htenc kuex raungx nuex dung kvkhic tuex, kvkaq dvyx ghaq htauk wawc miqsaz lotlaz rueq Miq Saz kuex luimc vkawc ngauz vngax yunghvlc rulc vdvmz raungwawc phuemx htauk nuex ngaungc vtueq httuiuc kaz yaq kuex khiz ruiux yuq vkhoarc vsez rvwuez tuex.

Matthew 24:30 Referencias Cruzadas

Matthew 24:3

Jesu Olive haqkang na tong chey atho, ujiphantey tang shu shu eq piq relnáng ka eq batta, “Í ma bat phu, iri tang ri baluk o angna? Ba kat etho mingkang thun rima chamlang wit aa.”

Matthew 24:37

“Noah tok o chamal angta ethimal hun Miqna Sa kat rangham sho tho angna.

Matthew 24:39

Etho ning jungching eq lim chuwan wey moq nángduk, ning aa chamtho sammoq angta. Ethimal Miqna Sa kat rangham sho tho angna.

Matthew 26:64

Jesu aa piq ma batta, “Nang hun thang aa raaq tu, etharin nga nang ma ira tho bat eq phang, thang wang nang aa Miqna Sa sha Tarong wa jakqhak o tong atha kap khi nu, etho rangkan phun o kapha tha kap khi nu.”

Mark 13:26

“Eshi tok tho, phun tang jamoq Miqna Sa thaji tarong etho phun amun jamoq thupha na.

Mark 13:4

“Baluk o irimal angma ta, í ma bat kotphu etho iritang raa tahom sey angta rangham sey thupha jo, í aa chamal eq jin sam ni?”

Luke 21:27

Eshi rangham tho, Miqna Sa rapney tarong wang etho phun amun phun jamoq kaphana.

Luke 22:69

Etharin thaney jiwang Miqna Sa raa Shkewa jakqha kona tong na.”

Acts 1:11

Etho ning ma batta, “Galilee miqtang, nim aa cham ma ira ro hun lang eq rangkang ko náng siin chey inn? Ira Jesu tha, bara nim relwang mungtan náng solta, irimal hun mungtan wang kapha sha nim aa khi nin.”

2 Thessalonians 1:7

Etho nim aa bara tsamnang nan inn, Shkewa nim ma nungmay kot pha nin, etho í ma tho nungmay ukot eq na. Teyhungwa Jesu utarong rangkamwa tang jamoq mungtan wang kat rangham o piq aa irimal somlo na.

Revelation 1:7

Siin inn, piq phun tang jamoq kapha; thaji miik eq piq sha khina, utang eq piq tasam ta, ning aa tho piq tha ukhi eq na, etho mingkang thaji miqtang ma piq tungkang o tin tashit na. Irimal hun cham ang aa! Amen.

Revelation 12:1

Etho rangkan na ashey ajong maal takhi ta. Ashey miqnu eq rangsal tha sam chey ta, etho jappi tha ujaa khung na angta, etho ukho thina asi ani taset khopok angta.