Matthew 20:19 - Muklom

¹⁹ Etho piq tha Gentile tang jak thináng kochak na etho ning aa piq tha tikngit kungna etho piq tha wat na etho bólq sho bot eq tikwat chak na; etharin piq saal tom o wey jey angna.”

ASII LAKDAP Bible (BSI)

¹⁹ Raüta tsangshiq raq Pongmung maiqse jaq mong na mihit kuq baiq. Tsangshiq raq apaiq ka mihaihii. Chunpo-nyam chongwai maq mitsat. Raüta pumsongkham na mitübaiq. Shatmaq ranaiqtsam jai maq, apaiq ka ama wa adong mirwan nong.”

Hawa Naga Bible 2001

¹⁹ pungnuk miqsaz yauk nuex lekuq gay shuex, tsuingshiq rueq vpiq kuex shummarc vtueq bunx luik thvt ruiux yauk juinc htung nuex but thvt gay shuex; yuq muinz raungnuiyq thuimx ngoc yaungc nuex yuing kvtenc wvnc yek tuex,” ngoz tueq jungx tueq.

Matthew 20:19 Referencias Cruzadas

Matthew 12:40

Jonah ajong ngaq mongna rangwung saltom etho rangpal paltom tong ta, eshimal hun Miqna Sa sha tho rangwung saltom etho rangpal paltom mingkang mong o tong ching angna.

Matthew 16:21

Eshi rangham wang sey Jesu aa ujiphantey tang ma phang batta, “Nga Jerusalem náng katching etho eshináng ka eq nga miqlang tang, ajong tingwa tang etho thong tataltey tang ching wang ajong hal tintashit ching kap náng. Ning aa nga tatik eq chak phanáng etho saltom o nga wey jey ang náng.”

Matthew 17:23

Etho ning aa piq sha tatik na etha o tho saltom o piq sha wey jey na.” Ujiphantey tang tha tintashit angta.

Matthew 27:26

Ethi jio Pilate aa Barabbas tha ning ma qhap kota etho Jesu tha wat eq bólq sho bot ma kochakta.

Matthew 27:63

“Tatalteywa, í aa tasik eq i, eshi hutdip tey wa they atharang ang atho batta, ‘Nga saltom jio wey jey náng.’

Mark 14:65

Ethina tong aa chamteytey miqtang aa piq tha phang thuk ta, etho chamtey tey miqtang aa piq miik o qhak eq usham o bangwat eq batta, “Raaqtong u, utang eq nang wat taphu?” Ethi jio bantey tang aa piq tha solkat eq watta.

Mark 15:1

Rangnap kha o ajong tingwa tang, miqlang tang, thong tataltey tang etho thaji rong miqtang kashey lam o raaq kara eq, Jesu tha janru eq qhak eq Pilate relnáng solkat ta.

Mark 15:15

Pilate aa miqtang tha tasungrang rangma tathinta, ethi rangma Barabbas tha qhap chakta. Piq aa Jesu tha rikang wang thawat jio bólq o bot chakma kochak ta.

Luke 18:32

Piq sha Gentile tang jaknáng ko chakna, etho ning aa piq sha junnam na, tharak rina, etho piq sha tikthuk na.

Luke 23:11

Herod etho piq ralkoltey tang aa Jesu tha tharakri ma uphan uphan raaq bat eq tik ngit ta; ethi jio ning aa piq thima ashey jaqhal khat tasam eq Pilate ching náng wey takat ta.

Luke 24:46

Etho ning ma batta, “Irimal taka ang aa, Khristo ma tsamnang ukap hun eq ching etho saltom o utik wang wey jey ang ching,

Acts 2:23

Iri Jesu raa, nim jaknáng kot chak sha Shkewa jakho wang tathin ta, etho irimal hun angta. Etho piq sha nim aa gentile miqtang ma kot eq bólq o tatik chak tin.

Acts 21:11

Piq í jamnang katapha, Paul aa khingkit tha somta, etho piq ni piq jak ni jaa o khak eq batta, “Asang Tsija bat aa, iri khingkit tangteywa sha Jerusalem na Jehudi tang aa irimal khak na etho Gentile tang jaknáng kochak na.”

Acts 4:27

Chammatakoi asing wang asang ba sanga Jesu bara nang aa Messiah ta shing tu piq sha miiksuk eq Herod nia Pontius Pilate aa Gentile phan nia Israel miqtang jamoq iri samhaq ro thajoq ta.