John 10:3 - Muklom

³ Piq rangma kalung bantey eq kalung lak kot aa. Etho kelwut tang aa piq raaq tat aa. Piq aa ukelwut tang sha ning miing o hal eq ran náng solkat aa.

ASII LAKDAP Bible (BSI)

³ Kriiti miika kilü kheti raq, kilü ka adi riikuq tlo. Kiimaq, apaiq raq asku kong ka, ashi shi maq, amang chong raüta hea tlo. Skukong riimin, apaiq bom ka tai tlo. Raüta apaiq raq skukong ka arümkai kinphai na sheaho tlo.

Hawa Naga Bible 2001

³ Kaluix bvmc jix waz rueq muinz piq muex kaluix kuex daz kuq yaq, khelbuenx hez rueq muinz piq thuic bomc kuex tay thenc yaq, piq rueq muinz khelbuenx htenc kuex vmuingc gvl vtueq ruk phic nuex shvlx tvdung laq yaq.

John 10:3 Referencias Cruzadas

John 10:14

“Nga raa hun jaqhal kelwut rimtey. Iwa nga usam eq aa etho nga Iwa usam eq ang, eshimal hun nga ikelwut tang usam eq ang etho ikelwut tang aa nga usam eq aa. Etho nga ning rangma irollung kot ang.

John 10:16

Iri pal mong riwang ang moqtey ikelwut tang adak tho ngama atha, iri adak palmong wang. Nga eshi kelwut tang sha tho thoksol eq ching; ning aa iraaq using eq na, etho thaji sha rum eq ning sha wanshey kelwut angna etho ashey kelwut rimtey angna.

John 10:4

Piq aa ukelwut tang thaji sha ran náng lat jio piq ning jakho o qhing aa etho ukelwut tang aa piq ji ji phan aa, chammatakoi ning aa piq raaq usam eq aa.

John 10:9

Nga raa kalung; utang itungkang o palmong náng nop ajo ning ulun angna; etho nim sha himmong nia ran náng jin ling qhing eq namrum kap phaksat na.

John 6:37

Iwa ngama chamlang kot taphang, eshi tang thaji sha iching náng kapha na, etho utang i relnáng ka pha, piq sha nga baluk otho phanchak mong ang náng.

John 6:45

Rangsamal tang likwit na ira uwit eq ta: ‘Ning Shkewa ching wang tatal chol angna.’ Utang eq Iwa ching wang utat nia tatal eq ta, eshi tang sha i relnáng kapha na.

Romans 8:30

Bara piq aa adak eq shing ta ning tha piq aa halta; bara piq aa halta ning sha asing miq angma shingta; bara asing miq angma shingta ning ma uphun amun sha kot ta.

1 Corinthians 16:9

Chammatakoi irina daqhan ralwa tang tong ajo tho i rangma jaqhal etho ajong jaksomlot rangma kalung alak.

Philippians 4:3

Nang raa asing jaksomtey, nga nang ma bat phang, nang aa iri miqnu ni ri nong u. Chammatakoi ning ni aa Clement nia adak nongtey jamna tungtang aqhal phanchan ma ijamna rapney somlo ta. Ning thaji sha miing rollung likdap na.

Colossians 4:3

Eshi jamoq í rangma tho romtam chu ro eq inn, irimal ang eq Shkewa í rangma Khristo apu ashum raaq phanchan ma kalung lak kona, iri rangma nga chukna.

2 Timothy 2:19

Etharin Shkewa thóng abang sha jin thamot moq; etho eshina irimal thawit aa: “Teyhungwa piq miqtang sha using eq aa” etho “Utang eq Teyhungwa miing wungbat aa, piq sha jashit jaksom wang cham lun chey aa.”

1 Peter 1:12

Shkewa iri rangsamal tang ma ning jaksom sha ning rangma ang moq etharin nim rangma ta takhi ta. Etho ning aa bara batta tha thanga nim aa utat eq tin; esha mungtan wang Asang Tsija tarong tungkang o takat ta thoksil tattey tang aa tungtang qhal phanchan ta. Iri raaq tang raa rangkamwa tang atho khi eq unuk ang aa.

1 John 4:6

Etharin, hiqtang raa Shkewa ráng, etho utang eq Shkewa sha sam aa ning hiqtang raaq tang sha tat aa. Etharin bara Shkewa ráng moq piq aa hiqtang raaq tat moq. Irimal wang bari tsija raa asing aa, etho bari tsija raa alik ta hiqtang aa jin bat eq i.

3 John 1:14

Nga kalo ba jamoq tachong ma tungmang shing ang, etho miikthim khangrim wan ma nuk ang.

Revelation 20:15

Bari tang raa rollung likdap na thawit moq, ning tha wal tìm na bichak ta.

Revelation 3:20

Siin inn! Nga kalung o lang eq tharaaq dok ang; utang eq i raaq tat eq kalung lak ajo, nga piq himmong náng nop náng etho nga piq jamoq til phak sat náng, etho piq tho i jamoq phaksat na.

Revelation 7:17

Chammatakoi Kelwut sa, bara lungwang tongching jaktung na, ning rimrang tey angna; etho piq aa ning sha atharang jungril thalat aa rel shináng sol katna, etho Shkewa ning miik wang thaji muksit sha rotna.”