Acts 21:8 - Muklom

⁸ Saal dak na eshiwang thalat eq í Caesarea náng thuti, eshina í evangelist Philip himna tongti. Piq Jerusalem na nong pang ma taltey sanat miqtang mong shina ashey angta.

ASII LAKDAP Bible (BSI)

⁸ Kriimaq napjai ranaiq min khamjong lam miili kihoruq kiho laita, Sisiria chela niishe saükikai. Kiijaq naishiq ka akhumti we shra Philip jam na japho kai. Apaiq ka Jerusalem na akhrumtitiim wemiishi tseataq kra phong wa weshi riito.

Hawa Naga Bible 2001

⁸ Nvp yix raungnuiyq kaz wvnc vtueq Kesarea ghaq nuex httuiuc kaz tiq. Nuiyhez kuex shuenruenc bomjungc tvluingc jix waz Philip yuimx nuex duiz kaz tiq. Philip kuex kungjix bix romc kuy muex Yerusalem phungc maq vthvl taq, waz mvshix phungc wawc washiz rvtueq.

Acts 21:8 Referencias Cruzadas

Acts 10:1

Caesarea na Cornelius ta thaming ta ashey miqwa angta. Piq sha Italy waan na shashey ralkoltey tang ajongwa angta.

Acts 16:10

Paul aa iri máng raa khi eq, í macedonia náng katching ta kacha ta; chammatakoi eshina tongtey miqtang ma tungtang qhal phanchan ma Shkewa í hal taphi ta í aa sam ti.

Acts 16:13

Sabbath saal o í samhaq paal kalung phey jungkang kona, Jehudi tang romtam chuk katang angna ta tathin eq í thalat ti; í tong eq eshina thajoq aa miqnu tang raaq wanti.

Acts 16:16

Saalshey ang tho í romtam haq náng kachey ti tho piq hanna anaan tsija tong eq inapja rollung raaq battey ashey qha miqnu í aa kap chongti. Piq aa miqtang ma inapja rollung raaq sha bat eq utangteywa ma ngin rapney kaplap kot ta.

Acts 18:22

Baluk o piq Caesarea náng thu atho Paul Jerusalem náng ka eq mondoli miqtang jamoq tachong ta etho ethi jio Antioch náng thuta.

Acts 20:13

Í jakho waqwan konáng ka eq Assos náng kati. Í eshina Paul sha tho waqwan o tuntatong ni ta tathin ti. Piq aa irimal í ma bat taphi chammatakoi piq lam wang Assos náng kat ta.

Acts 20:6

Wung moq phan banlo kut aa kan thun jio í Philippi wang waqwan o qhung ti, etho saal banga jio Troas na ning jamoq tachong ti. Etho eshina saal sanat tongti.

Acts 21:16

Caesarea wang uhantey tang í jamoq otho ukat angta pha etho í Mnason himna sol kat taphi barina í tongtey angti. Piq Cyprus miq angta etho jakho wang hun uhantey angta.

Acts 23:23

Req ralkoltey tang solwa they piq ani ajongwa tha hal eq batta, “Caesarea náng katma shani ralkoltey tang kacha shing inn, roksanat mok roptey miqtang sol shinn etho shani jantong holtey miqtang kacha shing shinn etho rangpal akhu rangham o kat ching.

Acts 27:1

Í italy náng kat ma ning aa tathin ta, ethi rangma ning aa Paul etho chukna tongtey adak miqtang ma Julius ta thamiing aa ashey ralkoltey tang solwa ma kotchak ta. Piq “Ajong lungwang ralkoltey waan tang” ta thamiing aa Rome ralkoltey waan wang angta.

Acts 28:11

Japi tom jio í Alexandria wang ashey waqwan o qhung eq kati. Eshi waqwan miing sha “Khangpit mal rangwa” angta. Eshi waqwan sha Malta na rangsong tok thun ma banta.

Acts 28:16

Í Rome náng thok jio Paul sha ban ma ralkoltey ashey tha shing eq utin nuk mal tong ma kot ta.

Acts 6:5

Asi ani apostle tang raaq tat eq thaji miq sungrang angta etho ning aa iri miqtang raa talta. Iri miqtang raa Asang Tsija etho kam na ushey Stephen, Philip, Prochorus, Niconor, Timon, Parmenas etho Nicolas bara Antioch mung na Gentile miq angta etho jakho Jehudi thong phan ma kaley ta.

Acts 9:30

Uhantey tang aa iritang raa samta tho, ning aa Saul tha Caesarea náng thok solta etho Tarsus náng takatta.

Ephesians 4:11

Piq aa chamtey tha apostle tang ma tal eq etho chamtey tha rangsamal tang ma etho chamtey tha tungtang qhal tatat rangma etho chamtey tha pastor tang ma etho chamtey tha tataltey tang ma tal eq kot chak ta.

2 Timothy 4:5

Etharin nang irimal raaq wang rangtun eq tong u, tsamnang nan u, tungtang qhal phanchan u etho Shkewa bajak o jaksom kota phu eshi thaji shi tahom u.