ÇIXIŞ 19:18 - ƏHDİ-ƏTİQ (TÖVRAT VƏ ZƏBUR)

¹⁸ Bütün Sina dağı tüstü içində idi, çünki Rəbb onun üzərinə alov içərisində enmişdi. Bütün dağ kürənin verdiyi tüstü kimi tüstülənirdi, bərk titrəyirdi.

Azərbaycan Bibliyası 2008

¹⁸ Bütün Sina dağı tüstü içində idi, çünki Rəbb onun üzərinə alov içərisində enmişdi. Bütün dağ kürənin verdiyi tüstü kimi tüstülənirdi, bərk titrəyirdi.

МУГӘДДӘС КИТАБ

¹⁸ Бүтүн Сина дағы түстү ичиндә иди, чүнки Рәбб онун үэәринә алов ичәрисиндә енмишди. Бүтүн дағ күрәнин вердији түстү кими түстүләнирди, бәрк титрәјирди.

ÇIXIŞ 19:18 Referencias Cruzadas

Yaradılış 11:5

Rəbb bəşər övladlarının tikdiyi şəhəri və qülləni görmək üçün aşağı endi.

Yaradılış 15:17

Günəş batıb qaranlıq düşəndə tüstü çıxan bir təndir və alovlanan məşəl görünərək parçalanmış heyvanların arasından keçdi.

Yaradılış 19:28

Oradan Sodom və Homorraya, bütün düzənliyə baxdı. O, yerdən ocaq tüstüsü kimi bir tüstü qalxdığını gördü.

NEHEMYA 9:13

Sina dağının üstünə enib onlarla göylərdən danışdın. Onlara ədalətli hökmlər, doğru qanunlar, yaxşı qaydalar və əmrlər verdin.

ÇIXIŞ 19:13

Eləsinə əl vurulmasın, ancaq daşqalaq edilsin ya da oxla vurulsun. İstər heyvan, istərsə də insan, bunların yaşamaq üçün izni yoxdur. Qoç buynuzundan olan şeypur uzun-uzadı çalınanda onlar dağa çıxa bilərlər”».

ÇIXIŞ 19:17

Allahı qarşılamaq üçün Musa xalqı ordugahdan apardı və onlar dağın ətəyində durdular.

ÇIXIŞ 20:18

Bütün xalq göy gurultusunu, şimşəkləri, şeypur səsini, dağın tüstülənməsini eşidib görəndə qorxub sarsıldı və uzaqda durdu.

ÇIXIŞ 24:17

Rəbbin izzəti İsrail övladlarının gözündə dağın başında yandırıb-yaxan alov kimi görünürdü.

ÇIXIŞ 3:2

Birdən Rəbbin mələyi ona bir kol arasından od-alov içərisində göründü; od içində kolun sönmədən yanmasını görüb

ÇIXIŞ 34:2

Səhərə hazır ol və Sina dağına çıx. Dağın zirvəsi üstündə önümdə dur.

YEŞAYA 6:4

Serafların səsindən qapı çərçivələri ilə kandarları sarsıldı, məbəd tüstü ilə doldu.

YEŞAYA 64:1

Ya Rəbb, kaş göyləri yarıb enəydin, Dağlar hüzurunda sarsılardı!

YEREMYA 4:24

Dağlara baxdım, titrəyirdilər, Bütün təpələr yerlərindən qopurdu.

HABAQQUQ 3:6

O durdu, yeri tərpətdi, Baxdı, millətləri sarsıtdı, Qədim dağlar dağıldı, Əzəldən qalan təpələr ona baş əydi. Allahın yolu əbədidir.

ZƏKƏRİYYƏ 14:5

Siz isə dağlarımdakı vadi ilə qaçacaqsınız, çünki dağlardakı vadi Aselə qədər uzanacaq. Yəhuda padşahı Uzziyanın dövründə zəlzələ olarkən necə qaçdınızsa, eləcə qaçacaqsınız. O zaman Allahım Rəbb bütün müqəddəslərlə birgə gələcək.

MATTA 24:7

Çünki millət millətə, padşahlıq padşahlığa qarşı çıxacaq. Yerbəyer aclıq və zəlzələlər olacaq.

QANUNUN TƏKRARI 33:2

O belə dedi: «Rəbb Sina dağından gəldi, Bizə Seirdən zühur etdi, Paran dağından şəfəq saçdı, On minlərlə müqəddəs mələklər ilə gəldi. Sağ əlində yanar alov var idi.

QANUNUN TƏKRARI 4:36

Sizi tərbiyə etmək üçün göylərdən səsini sizə eşitdirdi. Öz böyük alovunu yer üzərində sizə göstərdi və alovun içərisindən Onun sözlərini eşitdiniz.

QANUNUN TƏKRARI 5:22

Rəbb bu sözləri bütün camaatınıza dağda alovun, buludun və qatı qaranlığın içərisindən ucadan söylədi, başqa bir söz demədi. Sonra bunları iki lövhə üzərinə yazıb mənə verdi.

QANUNUN TƏKRARI 5:4

Rəbb dağdakı alovun içərisindən sizinlə üzbəüz danışdı.

2 SALONİKLİLƏRƏ 1:7

əziyyət çəkən sizlərə isə bunun əvəzində bizimlə birlikdə rahatlıq veriləcək. Bu, Rəbb İsanın qüdrətli mələkləri ilə od-alov içərisində göydən zühur etdiyi zaman olacaq.

2 SALONİKLİLƏRƏ 1:8

O zaman Rəbbimiz İsa Allahı tanımayanlardan və Özü barədə olan Müjdəyə itaət etməyənlərdən qisas alacaq.

İBRANİLƏRƏ 12:18

Siz toxunula bilən, odla yanan bir şeyə, qaranlığa, zülmətə, qasırğaya,

İBRANİLƏRƏ 12:26

O vaxt Onun səsi yeri sarsıtdı. Amma indi «Mən bir dəfə də yalnız yeri yox, göyü də lərzəyə gətirəcəyəm» deyə vəd etmişdir.

2 PETER 3:10

Rəbbin günü isə oğru kimi gələcək. O gün göylər böyük gurultu ilə aradan qalxacaq. Ünsürlər yanaraq məhv olacaq. Yer üzü və onun üstündə hər şey ifşa olunacaq.

VƏHY 15:8

Məbəd Allahın izzət və qüdrətinə görə tüstü ilə doldu. Beləcə yeddi mələyin gətirdiyi yeddi bəla tamam olana qədər heç kəs məbədə girə bilmədi.

VƏHY 9:2

O, dibsiz dərinliyə enən quyunu açdı və quyudan iri bir kürənin tüstüsünə bənzər tüstü çıxdı. Günəş və hava quyudan çıxan tüstüdən qaraldı.

HAKİMLƏR 5:5

Sina dağına sahib olan Rəbbin qarşısında, İsrailin Allahı Rəbbin qarşısında Dağlar titrədi.