Tatatai 6:10 - Label

¹⁰ La arkabah ana tnan elngenla mange, “Leklek, u a King, u totoh pa u momol. Nangse ma ur warkurai la ning la kes te na rakrakan hanua pa ur keles a sulukimila tetek la?”

Tatatai 6:10 Referencias Cruzadas

Luk 2:29

“Leklek, onone ur alangolango iau, anuma tena titol oros, sur ar han ana bal molmol, arlar ana num a lele.

Luk 21:22

Anasa a pukakiarla ning, a pukakiarla na arkeles sur e God ir tolsot pas a ututnala rop ning di ka tumus tari ting na Buk Tabu.

A Pas ane Pol tetek a tarai Rom 12:19

Na halalik, gong mulo keles tik ning i tol a laulauna tetek mulo. Mulor noren tari ka tetek e God sur ir asangan anuna balakut pa ir kelesi. Anasa di ka tumus tari ting na Buk Tabu mange, “A Leklek i atongi mang, ‘Iau ot ar saran a warkurai na arkeles teteki, pa iau ot ar kelesi.’” Lo 32:35

Hibru 12:24

pa tetek e Iesu, esaning i tol tar a tona kunubus taum ondala, pa tetek a sulukna, ning di ka lamlamir tar ono. A suluk ne i warwara ana utna ning i wakak kol tana ututnala ning a suluk e Abel i warwara onoi.

2 Pita 2:1

Ika nating na asasongo na propet la kes arpotor tana tarai Israel. Larka otleng ning na asasongo na tena asaer lar hanot arpotor ot ta mulo. Lar akas kumnan anunla na asasongo na asaer ning ir alaulau a tortorot, pa lar puain sen a Leklek ning ka lou pas la. Lar kibas kapit pas a hinirua.

Tatatai 11:18

Na matanitu masik la balakut, pa anuma balakut otleng ka hanot. A taem ka hanot sur ur warkurai la ning la mat, pa ur saran a arlou tetek anum na tena titol oros, a propetla pa anum na tarai, pa la ning la hanrawai a risam, la ning bel al risanla pa la ning la leklek, pa ur kamar sen la ning la alaulau a rakrakan hanua.”

Tatatai 18:20

Mulo saot na langit, mulor gas ono! Pa tarai ane God pa na aposel pa na propet, mulor gas! E God i saran a warkurai a arkeles teteki ana ututnala ning i toli o mulo.’”

Tatatai 18:24

A suluk a propetla pa na tarai ane God, pa la rop otleng ning di um kol la te na rakrakan hanua, di pastetek a sulukinla tumo e Babilon.”

Tatatai 19:2

anasa anuna warkuraila i momol pa i tostos. Ka warkurai a pamuk a hane ning a risana i han sarara ana nuna toltol laulau, esaning i alaulau a rakrakan hanua ana nuna na pamuk a toltol. E God ka saran tar a warkurai a arkeles teteki, anasa ana suluk anuna tena titol orosla, ning i um kol sen la.”

Tatatai 3:10

Ning a tnan larlar ir hanot te na rakrakan hanua rop, suir lar la ning la kes te lapiu, ar tai alar mulo ana pukakiar ning, anasa mulo mur anuka warkurai sur mulor tur rakrakai ning mulo kilang a kankan.

Tatatai 3:7

“Ur tumtumus tetek a angelo anuna tarai a lotu tumo e Piladelpia larne: Na warwara ne anun esaning i tostos, pa i momol. I tong a ki ane Dewit, pa ning ir sapang a taman, bel tik ir tagar lar pasi, pa ning ir tagar, bel tik ir sapang lar pasi.