Tatatai 5:5 - Label

⁵ Ning a ningnigo i atongi tak mang, “Gong u tangis! Oroi, a laion anuna mangis a tarai Juda, a wakir e Dewit, ka tolsot pas a hiruala anunai. I tolsot pasi suir pilik sen mais a bulit pa ir pak a buk ning.”

Tatatai 5:5 Referencias Cruzadas

Luk 23:28

E Iesu i talingir pa i atongi tanla mang, “A gurara Jerusalem, gong mulo tangsan iau, mulor tangsan mulo ot taum ana natnatumulola.

Luk 7:13

Ning a Leklek i oroi a hane ning, i marisi pa i atai i mang, “Gong u domos.”

Luk 8:52

A taraila rop la kunkun pogol ana domos, pa e Iesu i atai la mang, “Gong mulo domos. A kaklik ning bel i mat, kaning i borbor duman ka.”

Jon 20:13

Dia dekeni mange, “Wan, u domos sur asa?” I keles diau mange, “La ka los masik pas anuka Leklek, pa bel a tasmani mang di aborbori taha.”

A Pas ane Pol tetek a tarai Rom 1:3

A Wakak a Warwara i atai dala o e Natnalik, ning di agon pasi miting na mangis a tarai ane king Dewit.

A Pas ane Pol tetek a tarai Rom 15:12

E Aisaia otleng i warwara na propet o e Karisito mange, “Takai ir hanot miting na kaba tarai e Jesi arlar ana sibul ning i gomo miting na wakir a rakai. Ir king pa ir nigon a tarai miting na matanitula, pa a tarai ning bel a tarai Juda lar tortorot onoi, pa lar harnanai ana tortorot sur a wakakna ning ir toli.” Ais 11:10

Hibru 7:14

I talapor mang a Leklek anundala i miting na mangis a tarai ane Juda. Ika e Moses bel i atong a mangis a tarai ane Juda ning i warwara ana tena artabarla tetek e God.

Tatatai 1:1

A buk ne, a warwara puasa ane Iesu Karisito, ning e God i saran tari tana, suir asangan tar anuna na tena titol oros ana sa ning milau ir hanot. E Iesu i sune sen anuna angelo tetek anuna tena titol oros e Jon, suir warwara puasa ana ututnala ne tana.

Tatatai 22:16

“Iau e Iesu, a sune sen anuka angelo suir saran a warwara talapor ne tetek mulo, a tarai a lotu ting na hananuala. Iau a wakir o e Dewit pa e tubuna, pa matlai ning i talapor kol.”

Tatatai 3:21

Esining i tolsot pas a harum, ar malmaling sur miar kes taum ana nuk a keskes a king, larning a tolsot pas a harum, pa a kes taum o e Tata ana nuna keskes a king.

Tatatai 4:10

naur a bonot pa diat a ningnigo otleng la punga hanrawai namatana esaning i kes ana keskes a king, pa i laun tikin bel ir rop pa bel ir rop, pa la lotu teteki. La suah tar anunla na kukuh a king salanigo na keskes a king pa la atongi mang,

Tatatai 4:4

Pa naur a bonot pa diat a keskes na king la tur talilis a keskes na king ning, pa naur a bonot pa diat a ningnigo kaning la kes tar tingia. La mermer ana kokok a kaenla, pa ting na pukulunla la suah na kukuh a king ning di toli ana gol.

Tatatai 5:4

A tangis kol iau, anasa bel tik i tostos suir pak a buk ning, o ir oroi a tumtumus tingui na tinine.

Tatatai 6:1

A oroi ning a Nat a Sipsip i pilik sen a ningnigo na bulit miting na mais a bulit kaning na buk. A longor ning a halin diat a lalaun na akakes i arkabah ana elngena i arlar ana pungpugur mang, “Han ute!”

Tatatai 7:13

Pa takai a hal a ningnigola i deken iau mang, “Esi la ne la mermer ana kokok a kaenla? Pa la han mitahaia?”