Tatatai 4:10 - Label

¹⁰ naur a bonot pa diat a ningnigo otleng la punga hanrawai namatana esaning i kes ana keskes a king, pa i laun tikin bel ir rop pa bel ir rop, pa la lotu teteki. La suah tar anunla na kukuh a king salanigo na keskes a king pa la atongi mang,

Tatatai 4:10 Referencias Cruzadas

Matiu 2:11

La kas ting na rumai pa la oroi pas a kaklik, pa e tana e Maria. La kes ana bokona hanla pa la lotu tetek a kaklik. Lamur la sapang pas anunla na bek pa la tabari ana artabarla ne: a gol, pa a paura di tuni pa sasawana i toboh wakak ning di atongi ana insens, pa a torok ning i toboh wakak otleng ning di atongi ana mira.

Luk 24:52

La lotu teteki, pa la ulak usaot e Jerusalem ana tnan gasgas.

1 Korin 15:10

Ika, e God i saran tar a lalaun ne a laun onoi, anasa ana nuna marmaris. Pa bel i arop oros tari ka anuna marmaris hok. A titol rakrakai kol tanla rop. Ika, belsur iau ot a titol, a marmaris ane God, ning i kes taum hok, i ning i titol.

Tatatai 10:6

Pa i lele tar o esaning i laun tikin, bel ir rop pa bel ir rop, ning i akes a bakut pa ututnala rop ning la kaningia, pa rakrakan hanua pa ututnala rop ning la kaningia, pa puka tasi pa na ututnala rop ning la kaningia, pa i atongi mang, “Bel ma e God ir molot ulak.

Tatatai 11:16

Naur a bonot pa diat a ningnigo, ning la kes ana anunla na keskes a king salanigo ta e God, la punga hanrawai ona patarinla ting na piu, pa la lotu tetek e God.

Tatatai 15:4

Leklek, esining bel ir matmataut sur u? Pa esining bel ir atong aleklek pas a risam? Anasa u ka u totoh. Na tarai miting na matanitu rop lar hanot pa lar lotu tetek u, anasa anum na tostos a titol i talapor rop tetek la.”

Tatatai 15:7

Pa ning a halin diat a lalaun na akakes i saran tar mais a besen di toli ana gol tetek mais a angelo ning. Pa mais a besen na gol ne la bukus ana balakut ane God, esaning i laun tikin.

Tatatai 19:4

Naur a bonot pa pisir diat a ningnigo pa diat a lalaun na akakes la punga hanrawai, pa la lotu tetek e God, esaning i kes ana nuna keskes a king pa la atongi mang, “Amen, Haleluia!”

Tatatai 4:2

Ono otning a bukus ana Talngan Tabu. Pa salanigo tak, a oroi a keskes na king saot na langit, pa takai i kes tar ono.

Tatatai 4:4

Pa naur a bonot pa diat a keskes na king la tur talilis a keskes na king ning, pa naur a bonot pa diat a ningnigo kaning la kes tar tingia. La mermer ana kokok a kaenla, pa ting na pukulunla la suah na kukuh a king ning di toli ana gol.

Tatatai 4:9

Esaning i kes ana keskes a king, ning i laun tikin bel ir rop pa bel ir rop, diat a lalaun na akakes ne la aitna pasi, la hanrawai pa la atong wakak teteki. A tuka kamis rop ning la toli larne,

Tatatai 5:14

Pa diat a lalaun na utna la atongi mang, “Amen,” pa na ningnigo la punga hanrawai pa la lotu.

Tatatai 5:8

Ning ka kibas a buk ning, diat a lalaun a akakes pa naur a bonot pa diat a ningnigo, la punga hanrawai tar salanigo tana Nat a Sipsip. La rop la tong taktakai a gita pa taktakai a besen ning di toli ana gol. A besenla ning, la bukus ana ning a ngas a bulit, ning di tuni pa sasawana i toboh wakak. La ning, a nunungla anuna tarai ane God.

Tatatai 7:11

Na angelo rop la tur talilis pas a keskes a king pa na ningnigo pa diat a lalaun na akakes. La punga hanrawai ana matanla ting na piu salanigo na keskes a king, pa la lotu tetek e God,