Tatatai 21:5 - Label

⁵ Pa esaning i kes ana keskes a king i atongi mang, “Oroi, onone a atona ututnala rop!” Pa i atongi otleng mang, “Ur tumus akes a warwarala ne, anasa a warwarala ne la momol pa i tolsot pasi sur dir tortorot ono.”

Tatatai 21:5 Referencias Cruzadas

Luk 5:38

Dir pek ot a tona wain uting na tona koto na wain.

2 Korin 5:17

Ning tik ir laun o e Karisito, i a tona akakes. Anuna toltol tagun nating ka rop. Oroi, a tona lalaun ka hanot.

Hibru 12:27

Ning e God i atongi mang ir kunran muntakai ulaki, i asangani mang ir kepsen a ututnala ning i gulgule ka, a ututnala ning ka akes tar la. Ir kepsen la sur a ututnala ning bel dir kunran sot pas la, lar kes ot.

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 1:19

“Ur tumusi ma a ututnala ning u ka oroi tari: a ututnala ning ka hanot pa a ututnala ning ir hanot lamur.

Tatatai 19:9

Pa angelo i atai iau mang, “Ur tumusi larne: La ning di atai pas la sur a ngasa na tinaulai ana Nat a Sipsip, la angis!” Pa i atongi otleng mang, “Na warwara ne na momol a warwara ot ane God.”

Tatatai 20:11

Lamur a oroi pas a tnan keskes na king i kokok, pa esaning i kes onoi. A rakrakan hanua pa bakut dia rorom miting namatana, bel ta pukna ulak ma anundiau.

Tatatai 22:19

Ning tik ir kepsen ta warwara mite na buk na propet ne, e God otleng ir kepsen anuna tiniba kusuni, anuna tiniba miting na rakai a lalaun, pa totoh a hanua ane God, ning di ka warwara talapor tar onoi te na buk ne.

Tatatai 22:6

A angelo i atai iau mang, “Na warwarala ne i momol pa di tolsot pasi sur dir tortorot ono. A Leklek, e God, ning i nigon a ingun a propetla sur lar apuasa anuna warwarala, i sune sen anuna angelo sur ir asangan tar anuna tena titol orosla ana ututnala ning milau ir hanot.”

Tatatai 4:2

Ono otning a bukus ana Talngan Tabu. Pa salanigo tak, a oroi a keskes na king saot na langit, pa takai i kes tar ono.

Tatatai 4:9

Esaning i kes ana keskes a king, ning i laun tikin bel ir rop pa bel ir rop, diat a lalaun na akakes ne la aitna pasi, la hanrawai pa la atong wakak teteki. A tuka kamis rop ning la toli larne,

Tatatai 5:1

Lamur a oroi a buk ting na sot a kuna esaning i kes ana keskes a king. A buk ning di ka hin tari, di ka tumtumus rop tar ana naur a risna, pa di ka bulit alar tari ana mais a bulit.