Tatatai 20:2 - Label

² I tong akes pas a dregon, a soi tagun nating, ning di atongi mang a tena artitiu, e Satan. I sen akes tari tuk ot ning takai a rip a rau ir rop.

Tatatai 20:2 Referencias Cruzadas

Matiu 19:29

Pa la rop ning la ka han kusun anunla na rumai, o kusun a tastasinla, taraila pa gurarala, o kusun na tamtamanla, o na kabatnanla, o na natnatunla, o kusun anunla na piu, anasa la anuki, dir saran a marmar a utna larne tanla, pa lar kibas otleng a lalaun tikin.

Matiu 8:29

Dia woiwoi mang, “Nat e God, asa u mang ur toli o miau? I mangasa, u han ute sur ur akadik mila ning belot a pukakiar a warkurai i sot?”

A Wakak a Warwara o e Iesu Karisito i tumusi 4:15

A pat a witla ning la punga ting na ngas, la arlar ana tarai ning la longor a warwara, pa e Satan i hanot, pa i kepsen a warwara miting na balanla.

A Wakak a Warwara o e Iesu Karisito i tumusi 5:7

A barsan ning i kukuk kol mange, “Iesu, a Nat e God a Leklek Kol, asaning ur toli hok? A nunung u ana risana e God sur gong u akadik iau.”

Jon 12:31

Onone ka taem sur dir warkurai a rakrakan hanua, pa dir alulu sen e Satan, a ningnigo tagun a rakrakan hanua.

Jon 16:11

Pa ir asangan la otleng ana warkurai ane God anasa e God ka warkurai tar a ningnigo ana rakrakan hanua.

A Pas ane Pol tetek a tarai Rom 16:20

Pa e God, esaning a kama bal molmol, milau ma ir pas gingini e Satan nahai a hamulo. A marmaris anuna nundala Leklek e Iesu ir kes taum o mulo.

Hibru 2:14

A kakakla ne, a momolinla ot, a palaonla pa sulukinla ot. Pa e Iesu otleng i hanot a barsan, arlar onla, a palaona pa sulukna ot. I toli larning sur ana nuna minat ir alaulau sen e Satan, esaning i tong akes a rakrakai ana minat.

1 Pita 5:8

Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i kukukuk, pa i tai sur al tarai sur ir ien la.

2 Pita 2:4

Oroi i, e God bel i maris na angelo ning la tol a toltol laulau. I minggen purum sen la uting na iah, pa la dodot ting na tnan tung ning i mormorom, sur lar kes nanan a pukakiar a warkurai.

A Pas ane Jut 1:6

Pa angelola otleng, ning bel la mang sur a tiniba na warkurai ning e God i saran tari tanla, pa la han kusun anunla a keskes, e God ka dot akes tar la ana dodot tikin. Pa anone la ka kes ting na mormorom pa la harnanai sur a tnan pukakiar ning dir warkurai la ono.

Tatatai 12:13

Ning a dregon i tasmani mang di ka minggen purum seni ute na rakrakan hanua, i lu a hane ning i agon pas a kaklik barsan.

Tatatai 12:15

A soi i lewe sen a malum miting na pahana, arlar ana malum, suir los sen a hane ning.

Tatatai 12:17

Pa dregon i balakut kol tetek hane ning, pa i han suir harum taum dingla na natnatna a hane otleng ning. La ning la sira longor ana warkurai ane God, pa la sira mur a warwara talapor o e Iesu.

Tatatai 12:3

Ning a akinalang maleng i hanot saot na langit. Oroi, a tnan dregon, a palaona i kubar, mais a pukulna, ning a bonot a komna, pa mais a kukuh a king kaning na mais a pukulna.

Tatatai 12:4

A mukmukna i surupu purum sen a galis a nangnang misaot na bakut pa i minggen purum sen la ute lapiu. Larning di salar a nangnangla miting na natol a pukna, pa takai a pukna la rop la punga purum. Pa a dregon i tur tar salanigo tana hane ning i pele na agon, sur ono otning ir konom e natnalik ning ir agon seni.

Tatatai 12:9

Di minggen purum sen a tnan dregon, a soi tagun nating, ning di atongi a tena artitiu, pa e Satan, esaning i ben rongon a rakrakan hanua rop. Di minggen purumi taum ana nuna angelola ute lapiu.

Tatatai 13:2

Pa rokoio a inagoi ning a oroi i arlar ana lepat, ika naur a hana i arlar ana naur a hana bea, pa a pahana i arlar ana pahana laion. A dregon ning, i saran tar a rakrakaina, pa nun a keskes a king, pa anuna tnan warkurai tetek a rokoio a inagoi.

Tatatai 13:4

Pa tarai la lotu tetek a dregon, anasa ka saran tar a warkurai tetek a rokoio a inagoi. Pa la lotu otleng tetek a rokoio a inagoi, pa la deke mang, “Esining i arlar ana rokoio a inagoi ne? Esi ning i tolsot sur ir umi?”

Tatatai 20:10

Pa dir minggen purum sen e Satan, esaning i asongo pas la. Ir kes ting na tnan tung a iah pa salfa, ning di ka minggen purum tar kaba a rokoio a inagoi pa asasongo na propet ia. Tingia dir akadik ditol ana kamisla pa na morom, bel ir rop pa bel ir rop.

Tatatai 20:7

Ning a rip a rau ning ka rop, dir pak sen e Satan miting na nuna keskes a dodot.

Tatatai 9:11

A angelo miting na tnan tung ning bel ta araropna, esaning anunla a king. Di atong a risana ana warwara Hibru Abadon, pa ana warwara Grik Apolion.