Tatatai 18:2 - Label

² Pa i woiwoi ana tnan elngena mang, “A tnan hanua Babilon ka punga! Ka punga! I hanot a pukna ana motla, pa a rumai a mumun anuna laulau a ingunla, pa a rumai a mumun anuna manila ning la dur pa a rumai a mumun anuna inagoila ning la dur pa la bilbilor.

Tatatai 18:2 Referencias Cruzadas

Tatatai 1:15

Naur a hana dia arlar ana bras ning di ka tun totoh tari ana iah, pa a elngena i arlar ana unga na malum ning i naro.

Tatatai 10:3

Pa i kukukuk ana tnan elngena arlar ana elngen a laion. Ning i agaia, a elngen mais a pungpugur la warwara.

Tatatai 11:8

Pa a minatindiau ir borbor ka ting na ngas ana tnan hanua di atong arlari o e Sodom pa e Ijip, a hanua ning di sai ahat otleng anundiau a Leklek ia.

Tatatai 14:15

Ning a angelo maleng i han purum misaot na rumai a artabar, pa i arkabah ana tnan elngena tetek esaning i kes saot na bakut larne, “Kibas pas anuma liwan pa ur sol. A pukakiar na sol ka hanot, anasa a ututnala te na rakrakan hanua ka makos rop.”

Tatatai 14:8

A munaur a angelo i mur pa i atongi mang, “A tnan hanua Babilon ka punga! Ka punga! Esaning i agang a tarai miting na matanitu rop ana rakrakai a wain ana pamuk a toltol anunai.”

Tatatai 16:13

Lamur a oroi pas natol a mot ditol tatatai arlar lar natol a rokrok. Ditol purum miting na pahana dregon, a pahana rokoio a inagoi pa pahana asasongo na propet.

Tatatai 16:19

A tnan hanua Babilon i tapagal sur natol, pa na tatatnan hanua anuna tarai miting na matanitula, la tarege rop. E God i nuk pas a tnan hanua Babilon pa i agang la ana wain i bukus ana ngalngaliah a balakut anunai.

Tatatai 17:18

A hane ning u oroi, a tnan hanua kol, ning i warkurai a kingla te na rakrakan hanua.”

Tatatai 17:5

Di tumus tar a risana ting na patarna, a utna na pidik larne, A tnan hanua babilon, A kabatnan a pamuk a hanela pa na laulau a toltol kol anuna rakrakan hanua.

Tatatai 18:10

Lar tur bakbak tar kama kusuni, anasa la matatan a kankan ning dir akadiki onoi. Pa lar atongi mang, ‘A tnan hanua Babilon ka laulau. Ka laulau! E Babilon, a rakrakai a hanua! Ana diono na bonot a minit sot ka, anuma warkurai na arkeles ka hanot tetek u.’

Tatatai 18:21

Pa ning a rakrakai a angelo i kibas pas a tnan hat, i itna arlar ana hat ning di sira gini a witla ono, pa i minggen parung seni salatasi pa i atongi mang, “Dir minggen tosngen sen a tnan hanua Babilon arlar ana hat ne, pa bel ulak ma dir oroi i.

Tatatai 5:2

Pa a oroi a rakrakai a angelo i deke ana tnan elngena mang, “Esi ning i tostos suir pilik sen mais a bulit ne mite na buk, pa ir paki?”