Tatatai 18:10 - Label

¹⁰ Lar tur bakbak tar kama kusuni, anasa la matatan a kankan ning dir akadiki onoi. Pa lar atongi mang, ‘A tnan hanua Babilon ka laulau. Ka laulau! E Babilon, a rakrakai a hanua! Ana diono na bonot a minit sot ka, anuma warkurai na arkeles ka hanot tetek u.’

Tatatai 18:10 Referencias Cruzadas

Tatatai 11:8

Pa a minatindiau ir borbor ka ting na ngas ana tnan hanua di atong arlari o e Sodom pa e Ijip, a hanua ning di sai ahat otleng anundiau a Leklek ia.

Tatatai 14:8

A munaur a angelo i mur pa i atongi mang, “A tnan hanua Babilon ka punga! Ka punga! Esaning i agang a tarai miting na matanitu rop ana rakrakai a wain ana pamuk a toltol anunai.”

Tatatai 16:19

A tnan hanua Babilon i tapagal sur natol, pa na tatatnan hanua anuna tarai miting na matanitula, la tarege rop. E God i nuk pas a tnan hanua Babilon pa i agang la ana wain i bukus ana ngalngaliah a balakut anunai.

Tatatai 17:12

“Ning a bonot a komna ning u oroi i, la ning, ning a bonot a king, ning belot la kibas ta warkurai sur lar hanot a king. Ika ana diono na bonot a minit ka lar warkurai taum ana rokoio a inagoi arlar ana king.

Tatatai 18:18

Ning lar oroi a sasawan na iah ning di tun e Babilon ono, lar woiwoi mang, ‘Esi na hanua i arlar taum ana wakak a hanua ne i itna kol?’

Tatatai 18:19

Lar sapran a kubus saot na pukulunla pa lar bal maris, lar tangis pa lar woiwoi mang, ‘A tnan hanua Babilon ka laulau! Ka laulau! La ning la kibas a mani miting na sipla, la leklek ana nuna na galis a gongon! Diono na bonot a minit ka, pa ka laulau rop!

Tatatai 18:21

Pa ning a rakrakai a angelo i kibas pas a tnan hat, i itna arlar ana hat ning di sira gini a witla ono, pa i minggen parung seni salatasi pa i atongi mang, “Dir minggen tosngen sen a tnan hanua Babilon arlar ana hat ne, pa bel ulak ma dir oroi i.

Tatatai 18:8

I maining a akadikla ne, a minat, a bal maris pa a munurak lar hanot teteki ana ning a pukakiar sot ka. Pa dir tun seni ting na iah anasa a Leklek e God i rakrakai kol, esaning i saran tar a warkurai na arkeles teteki.