Tatatai 16:8 - Label

⁸ Pa mundiat a angelo i pek anuna besen a balakut saot na kamis, pa e God i saran tar a rakrakai ana kamis suir tun a tarai ana iah.

Tatatai 16:8 Referencias Cruzadas

Matiu 13:6

Ika ning a kamis i sasai ot, la main pa la marang rop, anasa belal wakirinla.

Luk 21:25

“A akinalangla saot ana matana kamis, pa ana kalang, pa ana nangnangla ir hanot. Pa te lapiu a tarai miting na matanitula lar laulau ana matmataut pa nuknukinla ir talar ana top ning ir harum pa tinangisna.

Aposel 2:20

A kamis ir mormorom, pa a kalang ir kubar, lar a suluk, pa lamur a pukakiar ana Leklek ir hanot, a tnan pukakiar ning, a pukakiar a matatar.

Tatatai 14:18

Pa ning a angelo maleng, esaning i warkurai sur a iah, i purum miting na logo na tun artabar, pa i arkabah ana tnan elngena tetek esaning i tong pas a liwan ning i hangan kol mang, “Ur kot na kurena wain miting na rakrakan hanua, pa ur suah taman la, anasa la ka makos rop.”

Tatatai 6:12

A oroi ning a Nat a Sipsip i pilik sen a mundiono na bulit. A tnan mamais i gulgule rakrakai kol, a kamis i mutmut arlar ana mutmut a kaen a tobo ning di toli ana hih a meme, pa a kalang i kubar arlar ana suluk.

Tatatai 7:16

Bel lar murak, pa bel lar mos ulak ma. Pa a kamis bel ir alaulau la, pa bel ta utna otleng ir rang sakan la.

Tatatai 8:12

A mundiat a angelo i wus anuna tawuru. Di salar a kamis, a kalang pa na nangnang ona natol a pukna, pa takai a pukna miting na natol a pukna miting na kamis, di dapisi pa i keles sur a mormorom, pa takai a pukna miting na kalang di dapisi pa i keles sur a mormorom, pa takai a pukna miting na nangnangla di dapisi pa la keles sur a mormorom. Takai a pukna miting na natol a pukna miting na pukakiar ana morom pa takai a pukna miting na pukakiar ana kamis otleng, bel ta talapor ono.

Tatatai 9:2

Ning i sapang a tnan tung, a sasawan i tur ot mitingia arlar ana sasawan ana tnan iah ning i irnga kol. Pa kamis pa bakut i mormorom ana sasawan miting na tung ning.