Tatatai 13:6 - Label

⁶ I sapang a pahana sur ir anan e God, pa ir atong laulau a risana, pa pukna ning i kes ia pa la ning la kes saot na langit.

Tatatai 13:6 Referencias Cruzadas

Matiu 12:34

Mulo na natnat a soila! Mulo ning a laulau a taraila, mulor atong mangasa ta wakak a warwara? Anasa a pahana tarai i atong puasa a toltol ning i bukus ting na balanla.

Matiu 15:19

Ine a ututnala ning i sira purum miting na nuknukna: a nuknuk laulau, umkol a mainla, a toltol laulau ana ta hane anuna tik o ta barsan anuna tik, na toltol a pamuk, a kinkinau, a artitiu asasongo, pa di anan saksakan tik.

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

A Pas ane Pol tetek a tarai Rom 3:13

“A pahanla i sapang arlar ana kulam na minat, pa a warwara anunla i arlar ana goh a minat. La sira atong a asasongo ana lagereminla.” Buk Song 5:9 “A warwara miting na pahanla, i arlar ana kusmapak a soi ning i sira harat amat tik.” Buk Song 140:3

Kolosi 1:19

Anasa e God i gas sur anuna lalaun rop ir kes o e Natnalik.

Kolosi 2:9

Anasa a lalaun rop ane God i kes ot o e Karisito ting na palaona.

Hibru 9:2

Di atur a rumai sel. A ningnigo na tuka rumai di atongi mang a pukna ning i Tabu. Tingui ono, a turtur a lam, pa a logo, pa a bret ning di artabar onoi tetek e God.

Hibru 9:24

Anasa e Karisito bel i kas ting na pukna ning i Tabu Kol, ning a tarai la toli. A pukna ning, a manar ka ana momol a pukna ning i Tabu Kol. I kas usaot na langit pa onone i tur salanigo namatana e God sur dala.

Tatatai 11:12

Pa dia longor a tnan elngen takai misaot na langit i atai diau mang, “Mu han kas ute.” Pa dia han kas ana bakut usaot na langit, pa nundiau a hiruala la oroi sen diau.

Tatatai 12:12

Manglarning, a langit pa mulo ning mulo kes onoi, mulor gas. Ika ir laulau tetek a rakrakan hanua pa a puka tasi otleng, anasa a tena artitiu ka han purum tar tetek mu! Anun a balakut i irnga kol, anasa i tasmani mang bel ma i bongnani.”

Tatatai 15:5

Lamur tana, a tai pa oroi pas a rumai a artabar saot na langit i sapang. A rumai ning a rumai sel ning i apuasa i mang e God i kes taum ana nun a tarai.

Tatatai 18:20

Mulo saot na langit, mulor gas ono! Pa tarai ane God pa na aposel pa na propet, mulor gas! E God i saran a warkurai a arkeles teteki ana ututnala ning i toli o mulo.’”

Tatatai 21:3

Pa a longor a tnan elngen takai misaot ana keskes a king i atongi mang, “Oroi, a hanua ane God ka kes taum ona tarai. I ot ir kes taum on la, pa lar hanot anuna tarai. E God ir kes taum on la, pa ir hanot anunla God.

Tatatai 4:1

Lamur a tai, a oroi pas a taman i sapang saot na langit. Pa elngena esaning a longor nigon tari, ning i warwara tetek iau arlar ana tawuru, i atongi mang, “Han kas ute, ar asangan tar u ana sa ning ir hanot lamur.”

Tatatai 4:4

Pa naur a bonot pa diat a keskes na king la tur talilis a keskes na king ning, pa naur a bonot pa diat a ningnigo kaning la kes tar tingia. La mermer ana kokok a kaenla, pa ting na pukulunla la suah na kukuh a king ning di toli ana gol.

Tatatai 5:13

Pa a longor na elngen na akakes rop saot na langit pa te na rakrakan hanua pa tingui na piu pa tingui na puka tasi, a ututnala rop ning di akes la, la saksak larne, “Tetek esaning i kes ana keskes a king, pa tetek a Nat a Sipsip, dalar atong aitna pas diau, dalar hanrawai diau pa dalar aitna pas diau. Pa diar tong akes a rakrakai, bel ir rop pa bel ir rop.”

Tatatai 7:15

Manglarning, la tur salanigo na keskes a king ane God, la titol teteki ting na nuna rumai a artabar ana kamisla pa moromla. Pa esaning i kes ana keskes a king ir pol alar la sur lar kes taum onoi.

Tatatai 7:9

Lamur tana, a tai, pa a oroi pas a tnan kunum a tarai ning bel tik ir was lar pas la. A tarai miting na matanitula rop, pa miting na mangis a taraila rop, pa miting na hananuala rop pa miting na urmatana ngas a warwarala rop, la tur salanigo na keskes a king pa Nat a Sipsip. La mermer ana kokok a kaenla, pa la tong a paka baibaila.