Tatatai 13:16 - Label

¹⁶ Pa munaur a rokoio a inagoi i angongos pas a tarai rop, sur dir suah a akinalang ting na sot a kunla pa ting na patarinla. I angongos pas la ning bel al risanla pa la ning la leklek, la ning la leklek ana gongonla pa na kapan a tarai, na tena titol oros, pa la ning bel na tena titol oros.

Tatatai 13:16 Referencias Cruzadas

Aposel 26:22

Ika e God i nangan iau tuk onone, pa a tur te na matam pa a warwara talapor tetek a tarai oros ka, pa a leklek a tarai otleng. Bel a atong ta tona utna, a warwara ka ana utna ning e Moses pa a propetla la ka warwara tar ono ning ir hanot.

1 Korin 12:13

Anasa takai ka a Talngan Tabu i baptais dala rop, sur dala takai ka palaona e Karisito, dala a tarai Juda, pa dala ning bel a tarai Juda, dala na tena titol oros pa dala ning bel dala tena titol oros. Pa e God i saran takai ka a Talngan Tabu tetek dala rop sur dalar gang ono.

Galesia 3:28

Ana tortorot o e Karisito, bel tik i maskana namatana e God: a tarai Juda pa a tarai masik, na tena titol oros pa la ning bel na tena titol oros, a taraila pa gurarala. Mulo rop mulo takai ka o e Karisito Iesu.

Galesia 6:17

Onone, bel a mang ulak larning tik ir saran a mamahat tak, anasa a bulurla ne na palaok lar asilangi mang iau ane Iesu.

Epeses 6:8

Anasa mulo ka tasmani mang a Leklek ir saran a arlou tana tarai rop ana wakak a titolla ning la toli, la ning na tena titol pa la otleng ning bel na tena titol.

Kolosi 3:11

Pa larning, dala rop dala arlar kama: na tarai Juda, a tarai Grik, la ning di ka kot talilis tar la pa la ning bel di kot talilis la, a tarai ning bel la tastasman wakak, pa a tarai miting esi na ngas a mangis a tarai otleng, a tena titol orosla pa a taraila otleng ning bel la tena titol oros. E Karisito ot i itna kol, pa i kes ondala rop.

2 Timoti 3:8

A ngas a barsan larne, la sairas a momol a asasaer, arlar o e Janes pa e Jambres dia sairas e Moses. A nuknukinla i laulau kol pa anunla tortorot bel i momol.

Tatatai 11:18

Na matanitu masik la balakut, pa anuma balakut otleng ka hanot. A taem ka hanot sur ur warkurai la ning la mat, pa ur saran a arlou tetek anum na tena titol oros, a propetla pa anum na tarai, pa la ning la hanrawai a risam, la ning bel al risanla pa la ning la leklek, pa ur kamar sen la ning la alaulau a rakrakan hanua.”

Tatatai 15:2

Pa oroi ning a utna i tai arlar ana puka tasi di toli ana galas ning di suah tamani ana iah. La ning la tolsot pas a rokoio a inagoi pa manarna pa wawas ana risana, la tur ting na ris a puka tasi ning, pa la tong na gita ning e God ka saran tari tanla.

Tatatai 19:18

sur mulor ien a sis a palaona kingla, na ningnigo anuna tarai a harum, a tarai a harum, na hos pa la otleng ning la kas on la, pa sis a palaona tarai rop, na tena titol oros, pa la ning bel na tena titol oros, la ning bel al risanla pa la ning la leklek.”

Tatatai 19:20

Ika di tong akes pas a rokoio a inagoi pa asasongo na propet, esaning ka tol a akinalangla ana risana rokoio a inagoi. Ning i tol a akinalangla ning, i asongo pas la ning a akinalang ana rokoio a inagoi kaning on la, pa la lotu tetek a manar a rokoio a inagoi. Di minggen lalaun tar a asasongo na propet pa rokoio a inagoi ting na tnan tung a iah ning i irnga ana salfa.

Tatatai 19:5

Pa elngen takai i hanot miting na keskes a king, i atongi mang, “Mulor atong aitna pas anundala a God, mulo anuna tena titol orosla, mulo ning bel al risamulo pa mulo ning mulo leklek, mulo ning mulo hanrawai teteki!”

Tatatai 20:12

Pa oroi a minatla rop, la ning la leklek pa la ning bel al risanla, ning la tur tar salanigo na keskes a king, pa di sapang a bukla. Di sapang ulak ning a buk, a buk a lalaun. Pa di warkurai a minatla arlar ana anunla a titolla ning di ka tumus akes tari ting na bukla.

Tatatai 20:4

Pa oroi na keskes a king, pa la ning la kes saot on la, ning di ka saran tar a rakrakai tanla sur lar warkurai. Pa a oroi a ingun a tarai ning di ka kot kutus sen a pukulunla, anasa ana nunla na warwara talapor o e Iesu pa ana warwara ane God. Bel la lotu tetek a rokoio a inagoi pa a manarna, pa bel di kibas a akinalang anuna rokoio a inagoi ting na patarinla o ting na kunla. La laun ulak pa la warkurai taum o e Karisito ning a rip a rau.

Tatatai 6:15

A kingla mite na rakrakan hanua pa na ningnigo, na ningnigo anuna tena harumla, la ning la leklek ana gongonla, na tena rakrakai, na tena titol oros pa la ning belsur na tena titol oros, la rop la parau ting na kulamla, pa na arpotor a tatatnan hatat ting na mangirla.

Tatatai 7:3

I atongi larne, “Gong mulo alaulau na hanua, pa puka tasi pa na rakai, tuk ning milar suah tar a akinalang ting na patar a tena titol orosla ane God anundalai.”