Tatatai 12:10 - Label

¹⁰ Pa a longor a tnan elngen takai saot na langit i atongi mang, “Onone e God anundala ka alaun pas a tarai, i asangan a rakrakaina, pa anuna matanitu ka hanot, pa a warkurai anuna Karisito anunai ka hanot. Anasa a tena artitiu ning i sira tiu na tastasindala, esaning i sira tiu la namatana e God ana kamisla pa moromla, di ka minggen purum seni.

Tatatai 12:10 Referencias Cruzadas

Matiu 26:64

E Iesu i kelesi mang, “I ot ning u atongi. Pa atai mulo mang, turpasi anone, mulor oroi a Nat a Barsan ir kes ana sot a kuna e God, esaning i rakrakai kol, pa lamur mulor oroi i ning ir hanot ana didia bakutla misaot na langit.”

Matiu 28:18

E Iesu i han milau tetek la, pa i atongi tanla mang, “E God ka saran arop tar a rakrakai tak, sur ar warkurai a ututnala rop saot na langit pa te otleng lapiu.

Matiu 6:10

I wakak ning anuma matanitu ir hanot. I wakak ning dir mur a nuknukim te na rakrakan hanua, arlar onoi ning di sira muri saot na langit.

Luk 11:2

Pa e Iesu i atai la mang, “Ning mulo nunung, mulor atongi mange, ‘Tamamila, i wakak ning dir hanrawai a risam. I wakak ning anuma matanitu ir hanot.

Luk 22:31

E Iesu i atongi mang, “Saimon, Saimon, oroi i, e Satan ka nunung pas sur ir lar mulo, arlar ana tena omomai ning i tang sauran a wit kusun a palpalna.

1 Korin 5:4

Ning mulor hanot taum ana risana anundala a Leklek e Iesu, pa ar kes taum ot o mulo te na inguk, pa a rakrakai ana Leklek e Iesu otleng ir kes taum o mulo,

2 Korin 12:9

Ika i atongi tak mange, “Anuk a marmaris tetek u ka sot, pa bel ur kapan sur ta utna masik. Anasa dir oroi puasa a rakrakaik hom ning belal rakrakaim.” I maining a gas sur ar iaunan pas iau mang, belal rakrakaik, sur a rakrakai e Karisito ir kes hok.

Taitus 2:3

Larne, ur asaer a gurarala ning di agon nigon la tam, sur lar lasan ana ngas a hanrawai ana nunla a lalaun, gong la anan laulau tik, gong la na tena gang, lar asaer a tarai ana utna ning i wakak.

1 Pita 5:8

Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i kukukuk, pa i tai sur al tarai sur ir ien la.

Tatatai 11:15

A ararop a angelo ting na mais a angelo, i wus anuna tawuru, pa galis a tnan elngena tarai saot na langit la atongi mang, “A matanitu ana rakrakan hanua ka keles sur a matanitu anuna Leklek anundalai, pa anuna Karisito anunai. Ir kes na king tikin, bel ir rop pa bel ir rop.”

Tatatai 2:26

Esining i tolsot pas a harum, pa i tolsot pas a nuknukik tuk ana araropna, ar saran tar a warkurai tana larot a warkurai ning e Tata i saran tari tak, suir warkurai a tarai miting na matanitu rop. ‘Ir warkurai rakrakai la ana bulse na aen, pa ir miren la arlar ning di pagal gingini a kuro ning di toli ona piopap.’ Buk Song 2:9

Tatatai 7:10

La woiwoi ona tnan elngenla larne, “E God anundalai, esaning i kes ting na keskes a king pa Nat a Sipsip, dia alaun pas dala.”