A Pas ane Pol tetek a tarai Rom 4:11 - Label

¹¹ Ning belot di kot talilis e Abaram, e God i atongi mang i tostos namatana, anasa ana nuna tortorot ot. Ning e Abaram i kibas pas a akinalang na kot talilis, i asangani mang ka tostos namatana e God. I maining e Abaram a taman a tarai rop ning bel di kot talilis a palaonla. La tortorot pa e God i atong la mang la tostos namatana.

A Pas ane Pol tetek a tarai Rom 4:11 Referencias Cruzadas

Matiu 16:16

Pa e Saimon Pita i kelesi mang, “U a Karisito, a Nat e God ning i laun.”

Matiu 8:11

A atai mulo mang kaning lamur a galis a tarai lar han miting namatana tobar pa matana labur, pa lar kes taum o e Abaram, e Aisak pa e Jekop ana ngasa ting na matanitu saot na langit.

Luk 19:9

Pa e Iesu i atongi ta e Sakias mang, “Ono ot ne, a arlaun i ka kes tetek la ning la kes te na rumai ne, anasa e Sakias otleng miting ia na mangis a tarai ane Abaram.

Jon 3:33

Ika esining i tortorot ana nuna warwara talapor, i amomoli mang e God a momolna.

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

Jon 6:35

E Iesu i atai la mange, “Iau a bret na lalaun. Esila ning lar han tetek iau, bel lar murak, pa esila ning lar tortorot hok, bel lar mos ulak.

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

Jon 6:47

A atong momoli ta mulo, esining i tortorot hok, ka kibas a lalaun tikin.

Jon 8:33

La keles e Iesu mange, “Mila na tumtubuna e Abaram, bel mila titol lar a tena titol orosla tana tik tuk onone. Asa kamkamna ning u atongi mang a momolna ir alangolango mila?”

A Pas ane Pol tetek a tarai Rom 10:11

Larning di ka tumus tari ting na Buk Tabu mang, “Esining ir tortorot onoi, bel ir amei.” Ais 28:16

A Pas ane Pol tetek a tarai Rom 10:4

E Karisito i tolsot pas a Warkuraila ane Moses. I maining la ning la tortorot o e Karisito lar tostos namatana e God.

A Pas ane Pol tetek a tarai Rom 10:6

Pa e Moses i warwara otleng onla ning la tortorot, mang lar tostos mangmangasa namatana e God. I atongi mang, “Gong mulo nuki mang: Esi ir han usaot na langit?” I manglarning mulo mang sur mulor ben pas e Karisito ute.

A Pas ane Pol tetek a tarai Rom 3:22

A ngas ne i hanot ta e God, pa i mange: A tarai rop ning la tortorot o e Iesu Karisito, e God ir atong la mang la tostos. A tarai Juda pa a tarai masik otleng la arlar ka.

A Pas ane Pol tetek a tarai Rom 3:26

Ika onone, i toli larne sur ir asangan anuna tostos a toltol, sur i ot i tostos pa esaning i atong a taraila mang la tostos ning la tortorot o e Iesu.

A Pas ane Pol tetek a tarai Rom 3:30

Anasa takai ka a God, pa ir atong na tarai Juda mang la tostos namatana ana tortorot. Mangotleng larning tetek a tarai masik, ir atong la mang la tostos ana tortorot otleng.

A Pas ane Pol tetek a tarai Rom 4:10

Nangse ning e God i atong e Abaram mang i tostos? Lanigo tana titol na kot talilis, o lamur? Lanigo tana titol na kot talilis, bel lamur.

A Pas ane Pol tetek a tarai Rom 9:30

I maining asa dalar atongi ana ututnala ne? La ning bel a tarai Israel bel la rakrakai sur lar tostos namatana e God. Ika e God i atong la mang la tostos anasa ana nunla tortorot.

A Pas ane Pol tetek a tarai Rom 9:33

Larotning di ka tumus tari ting na Buk Tabu mang, “Oroi! Ia ka suah tar a hat saot e Saion, a hat ning a tarai lar buh a hanla onoi, pa lar punga onoi. Ika tik ning ir tortorot onoi, anuna tortorot bel ir ame i.” Ais 8:14; 28:16

A Pas ane Pol tetek a tarai Rom 9:6

Ning a atongi larne, bel a atongi mang e God bel i tolsot pas anuna lele tetek a tarai Israel. Anasa bel a tarai Israel rop, la a tarai Israel momol namatana e God.

2 Korin 1:22

i suah tar anuna akinalang ondala sur ir talapor mang dala anunai ot. Pa i akes a Inguna te na balandala arlar ana akinalang ning i asangani mang lamur dalar kibas a ututnala ning e God ka sang tari sur dala.

Galesia 3:22

Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.

Galesia 3:29

Ning mulo ane Karisito, mulo na natnat e Abaram, pa mulor kibas a utna ning e God i lele tar onoi tetek e Abaram.

Galesia 3:7

Mulo tasmani mang la ning la tortorot, la na natnat e Abaram.

Galesia 5:5

Ika dala, ana rakrakai ana Talngan Tabu dala harnanai ana tortorot sur e God ir atong dala mang dala tostos.

Galesia 6:16

A bal molmol pa a marmaris tetek la ning la mur a asasaer ne, la na tarai Israel momol ane God.

Epeses 1:13

Pa mulo otleng, mulo laun o e Karisito, ning mulo longor a momol a warwara ne, a Wakak a Warwara mang e God ir alaun pas mulo. Ning mulo longori pa mulo tortorot o e Karisito, e God i suah tar anuna akinalang o mulo, a Talngan Tabu, ning ka lele nigo tar onoi.

Epeses 4:30

Pa gong mulo abal maris a Totoh a Inguna e God, a akinalang ning e God ka aslang tar mulo onoi mang mulo anunai, sur a pukakiar ning e God ir alangolango mulo.

Pilipai 3:9

pa ar kes taum ono. Pa bel a tena tostos anasa a mur na warkurai. A tena tostos anasa a tortorot o e Karisito. I momol, e God i atong dala na tena tostos anasa dala tortorot o e Karisito.

Hibru 11:7

E Noa i longor a atumarang ane God teteki ana ututnala ning ir hanot ning belot di oroi. Pa ana tortorot, i hanrawai e God pa i mur anuna warwara, pa i tol a sip, ning i alaun pas latamana. A tortorot ane Noa i atalapor a toltol laulaula anuna tarai te na rakrakan hanua, pa e God i warkurai la ono. Pa e God i atong e Noa a tena tostos, anasa ana nuna tortorot.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

Tatatai 9:4

Di atai la mang gong la alaulau a ulai te na rakrakan hanua, o a rakaila otleng. Lar alaulau a taraila ka ning bel ta akinalang ane God ting na patarinla.