A Pas ane Pol tetek a tarai Rom 3:11 - Label

¹¹ Bel tik otleng ning i tastasim. Bel tik i seren e God.

A Pas ane Pol tetek a tarai Rom 3:11 Referencias Cruzadas

Matiu 13:19

Esining i longor a warwara ana matanitu misaot na langit, pa bel i tastasmai onoi, i arlar ana pat a witla ning la punga ting na ngas. A barsan laulau i hanot pa i kibas sen a warwara ning di ka oman tari ting na balana.

A Pas ane Pol tetek a tarai Rom 1:22

La atongi mang la tastasman kol, ika la hanot a longlongla ka.

A Pas ane Pol tetek a tarai Rom 1:28

Ning a utna otleng, bel ma la nuk pas e God, la nuki mang a asasaer o e God i utna oros ka. I maining i noren tar la sur ir laulau a nuknukinla, pa la tol kama a ututnala ning bel i sot sur lar toli.

A Pas ane Pol tetek a tarai Rom 3:10

Larning di ka tumus tari ting na Buk Tabu mang, “Bel tik i tostos. Bel tik momol!

A Pas ane Pol tetek a tarai Rom 3:12

La rop la ka han masik kusun e God. La rop bel la topas ma ta utna. Bel tik tagun la i tol a wakakna, bel tik momol.” Buk Song 14:1-3

A Pas ane Pol tetek a tarai Rom 8:7

Esining a nuknukna i mur a turai a lalaun, i a hirua ane God. Anasa esining a nuknukna i manglarning, bel i anatarna pasi nahai a Warkuraila ane God, pa bel ir tolsot pasi.

Taitus 3:3

Anasa dala otleng lanigo, bel dala mananos, dala na tabun longor, dala han rongo, dala kes ana dodot ana nundala a laulau a nuknuk pa a urmatana ututnala rop ning dala gas suri. Ana nundala a keskes a lalaun, dala tol a laulau a utna, dala ram, a tarai la nget dala, pa dala otleng dala nget la.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.