A Pas ane Pol tetek a tarai Rom 2:10 - Label

¹⁰ Ika, tetek la rop ning la tol a wakak a toltol, e God ir saran a matatar tanla, pa ir aitna pas a risanla, pa ir saran tar a bal molmol tetek la. Ir tol nigoni tetek a tarai Juda, pa lamur tetek a tarai masik otleng.

A Pas ane Pol tetek a tarai Rom 2:10 Referencias Cruzadas

Matiu 10:13

Ning a tarai miting na rumai ning lar gas pas mulo, mulor atongi mang, ‘A bal molmol ir kes tetek mulo.’ Ika ning bel lar gas pas mulo, anumulo a bal molmol ir ulak tetek mulo.

Luk 1:79

Ir sasai onla ning la kes ana mormorom, pa ana mormorom na minat, sur ir nigon dala ana ngas a bal molmol.”

Luk 12:37

Ning a leklek ir hanot, pa anuna tena titolla la sang, lar angis. A momolna ot ne a atongi ta mulo, ir pas sen anuna kot pa ir akes la ting na logo na hangan pa ir tabar la.

Luk 19:42

“A mang sur mulo ka tasman a ngas ning ir topas a bal molmol onone. Ika i mumun kusun mulo!

Luk 22:14

Ning a pukakiar ka sot, e Iesu pa aposella la kes ana utna na hangan.

Luk 9:48

Pa i atai la mang, “Esining ir gas pas a kaklik ne ana risak, i gas pas iau otleng. Pa esining ir gas pas iau, i gas pas esaning i sune iau ute. Anasa esining i natarna ta mulo rop, i ning i leklek kol.”

Jon 12:26

Esining ir titol tetek iau, i wakak ning ir mur iau, pa i anuka tena titol pa ir kes taum hok ting na pukna ning ar kes ia. Esining ir titol tetek iau, e Tata ir aleklek pasi.

Jon 14:27

A saran a bal molmol tetek mulo, anuka bal molmol ning a tabar mulo ono. Bel a tabar mulo larning a rakrakan hanua i artabar. Gong mulo nuknuk kol, pa gong mulo matmataut.

Jon 16:33

“A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

Aposel 10:35

I malmaling pas a urmatana tarai rop, ning la hanrawai i pa la titol ana tostosna.

A Pas ane Pol tetek a tarai Rom 14:17

Anasa a matanitu ane God bel tagun a hangan pa gang. A matanitu ane God tagun a tostos a toltol, a bal molmol pa gasgas ana Talngan Tabu.

A Pas ane Pol tetek a tarai Rom 15:13

Pa nunung tetek e God, esaning dala harnanai suri ana tortorot sur a wakakna ning ir toli. A nunung sur ir abukus mulo ana tnan gasgas pa a bal molmol, ning mulo tortorot onoi. Pa ana rakrakai ana Talngan Tabu ot, mulor harnanai ana tnan tortorot sur a wakakna ning e God ir toli lamur.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

A Pas ane Pol tetek a tarai Rom 2:9

Pa ir saran a mamahatla pa a tnan kankan tetek la rop ning la tol a laulauna. Ir tol nigoni tetek a tarai Juda, pa lamur tetek a tarai masik otleng.

A Pas ane Pol tetek a tarai Rom 5:1

Ana nundala tortorot ot, e God ka atong dala mang dala tostos namatana. I maining dala kes na bal molmol taum o e God, anasa ana nundala Leklek e Iesu Karisito.

A Pas ane Pol tetek a tarai Rom 8:6

Esining a nuknukna i mur ka a turai a lalaun ir mat. Ika, esining a nuknukna i kes nahai a Talngan Tabu, ir laun pa ir kilang a bal molmol.

A Pas ane Pol tetek a tarai Rom 9:21

Ning a tena toltol kuro i mang sur ir tol ir naur a kuro tagun ning a diah piopap ka, ir mur ot a nuknukna. Ir tol ta wakak a kuro sur a tatatnan ngasala, pa tik otleng sur a pukakiarla oros ka.

A Pas ane Pol tetek a tarai Rom 9:23

I toli larning sur ir asangan anuna tnan matatar tetek a tarai ning la kes nahai a marmaris anunai. La ning i sang tar la nating ot sur lar kes taum onoi ana nuna matatar.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

Pilipai 4:7

Pa bal molmol ane God ning i itna kol tana tastasmai rop anuna taraila, ir tai alar a balamulo pa a nuknukimulo, anasa mulo ane Karisito Iesu.

1 Timoti 1:17

Dalar saran a hanrawai pa dalar atong aleklek pas a King ning i laun tikin, esaning bel dala oroi, ning i ka i God. A aleklek ne bel ir rarop pa bel ir rarop. Amen.

Hibru 2:7

U ka akes tar mila sur a angelola lar leklek tamila, siklik pukakiar ka. U suah tar a matatar pa hanrawai omila arlar ana king ning di suah tar a kukuh ono,

Jems 2:22

Ur oroi i, anuna tortorot i han taum ana nuna wakak a titolla. Pa ana nuna titol, a tortorot anunai i bot kidol.

Jems 3:13

Esi na halimulo i mananos, pa i tastasmai? I wakak ning ir apuasa i ting na nuna wakak a lalaun, ana wakak a titolla, ana toltol ning i anatarna pasi ot. A toltol ning i hanot miting na tastasmai momol.

1 Pita 1:7

A mamahatla ne la hanot sur dir toho anumulo a tortorot, sur dir oroi i mang i momol o bel. Di toho anumulo a tortorot arlar onoi ning di tun atotoh a gol ting na iah. Ika anumulo a tortorot i itna kol tana gol ning ir rop ka. Pa ning anumulo a tortorot i tur rakrakai lamur tana larlarla, e Iesu Karisito ir rakan aleklek pas mulo, pa ir aitna pas mulo, pa ir saran a hanrawai tetek mulo ana pukakiar ning ir hanot puasa.

1 Pita 5:4

Ning a Ningnigo na tena tai alar anuna sipsipla ir hanot, mulor kibas a kukuh na matatar ning a matatarna bel ir rop.