A Pas ane Pol tetek a tarai Rom 12:10 - Label

¹⁰ Mulor mang artalai sur mulo larning mulo mang sur na tastasimulo. Mulor hanrawai artalai mulo, pa gong mulo nuk pas mulo ot.

A Pas ane Pol tetek a tarai Rom 12:10 Referencias Cruzadas

Matiu 20:26

Ika tetek mulo bel ir manglarne. Esi ning i mang sur ir leklek ta mulo, ir anatarna pasi sur ir tena titol anumulo.

Luk 14:10

Ning di ben pas u, ur han pa ur kes ana keskes tumo lamur, sur esaning i arbebe ir hanot tetek u, pa ir atai u mang, ‘Halik, ur tur pa ur han ute lanigo.’ Pa dir aleklek pas u namatanla ning mulo kes taum ana utna na hangan.

Jon 15:17

Anuk a warkurai ne: Mulor mang artalai sur mulo.

Jon 17:21

Tata, a nunung mang la rop ning la tortorot hok, lar takai ka, larning u kane hok pa iau kaning hom. I wakak sur la kane on dau, sur a taraila te na rakrakan hanua lar tortorot mang u sune iau.

Aposel 4:32

A tena tortorotla rop, takai ka a nuknukinla pa a balanla, pa bel tik ta halinla i atong tar ta utna mang anunai ka. La suah taum a ututnala sur anunla rop.

A Pas ane Pol tetek a tarai Rom 13:7

Mulor saran asaning i tostos sur mulor sarani tetek a tarai rop. Mulor saran a ngasa totokom rop tetek la ning la los totokom. Pa mulor saran a hanrawai tetek a ningnigola, pa mulor aitna pas la ning i tostos sur mulor aitna pas la.

Galesia 5:13

Na tastasikla, e God ka kabah pas mulo sur mulor langolango momol. Ika gong mulo nuki mang mulo ka langolango sur mulor mur a lalaun turai. Mulor nangan artalai mulo ana marmaris.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

Pilipai 2:3

Gong mulo tol ta utna ning mulor aitna pas mulo onoi, o mulor aunan mulo onoi. Mulor anatarna pas mulo pa mulor nuk aitna pas a tarai masik sur lar itna tamulo.

Kolosi 1:4

anasa mia ka longori mang mulo ka tortorot o e Karisito Iesu, pa mulo mang sur a taraila rop ane God.

1 Tesalonika 4:9

Bel mitol ar tumtumus ulak tetek mulo ana numulo a marmaris tetek na tastasimulo, anasa e God ka asaer tar mulo sur mulor mang artalai sur mulo.

2 Tesalonika 1:3

Na tastasimitol, i wakak sur mitol ar sira atong wakak tetek e God o mulo. I tostos ning mitol toli larning, anasa anumulo a tortorot i gomo, pa i gomo rakrakai, pa a marmaris artalai tetek mulo otleng i gomo amon.

Hibru 13:1

Gong mulo manah ana marmaris artalai tetek mulo, arlar o mulo na kabaitas ana tortorot.

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.

1 Pita 2:17

Mulor hanrawai a tarai rop. Mulor mang sur na tastasimulo ana tortorot, mulor matmataut sur e God, pa mulor hanrawai a king.

1 Pita 5:5

Mang otleng larning, mulo na barman, mulor sira anatarna pas mulo tetek la ning la nigo ta mulo. Mulo rop mulor anatarna pas mulo artalai, esaning anumulo a wakak a mermer. Anasa a Buk Tabu i atongi mang, “E God i nget esining i aitna pasi ot, pa i maris esining i anatarna pasi.”

2 Pita 1:7

Pa mulor palataum a toltol ning e God i mang suri taum ana marmaris tetek na tastasimulo ana tortorot. Pa mulor palataum a marmaris ning taum ana marmaris otleng tetek a taraila rop.

1 Jon 4:11

Na halalik, ning e God i mang kol sur dala larne, i wakak sur dala otleng dalar mang artalai sur dala.

1 Jon 4:20

Ning tik ir atongi mang, “A mang sur e God,” ika i nget e tasnalik, i a tena asasongo. Anasa esining bel i mang sur e tasnalik ning i oroi, bel ir mang sur e God ning bel i oroi.