A Pas ane Pol tetek a tarai Rom 1:9 - Label

⁹ A titol tetek e God ana nuka lalaun rop, ning a warawai ana Wakak a Warwara o e Natnalik, pa e God ot i tasmani mang a sira nuk pas mulo

A Pas ane Pol tetek a tarai Rom 1:9 Referencias Cruzadas

A Wakak a Warwara o e Iesu Karisito i tumusi 1:1

Ine a kamkamna ana Wakak a Warwara o e Iesu Karisito, a Nat e God.

Luk 18:1

E Iesu i warwara ana warwara larlar tetek anuna kakak a asaerla sur ir asaer la sur lar nunung bolbolos pa gong la ngoro.

Aposel 12:5

Ning e Pita i kes ting na rumai a dodot, a tarai a lotu rop bel la manah ana nunung tetek e God suri.

Aposel 19:21

Ning a ututnala ne ka rop, e Pol i mang sur ir han usaot e Jerusalem, pa ir bolos ana papar Makedonia pa a papar Akaia. Pa i atongi mange, “Ning ia ka han pas saot e Jerusalem, ar han kale uto e Rom.”

Aposel 24:14

“Ar atai talapor u mang, iau a mur a Ngas ane Karisito, ning la atongi ana asasongo na lotu. Ika ana lotu ne, a lotu ot tetek e God anuna tumtubumila tagun nating, pa a tortorot ana ututnala rop ning di ka tumus tari ana Warkuraila pa ana bukla anuna propetla.

Aposel 27:23

Nangana morom, ning a angelo ane God i hanot tetek iau, a God ning a titol teteki, pa iau anunai.

Aposel 3:26

Ning e God i sune sen anuna Tena Titol, i sune nigoni tetek mulo, sur ir angisngis mulo, ning ir ben ulak mulo rop kusun anumulo na toltol laulaula.”

A Pas ane Pol tetek a tarai Rom 9:1

Bel a asongo, a atong ot a momolna ne namatana e Karisito. Pa a Talngan Tabu taum ana balak dia malmaling mang a warwara ne i momol.

2 Korin 1:23

A nunung e God sur ir apuasai mang a atong a momolna. Bel a han ulak tetek mulo to e Korin, anasa bel a mang sur a nuknukimulo ir mamahat on al rakrakai a warwara ning ar atongi tetek mulo.

2 Korin 11:31

E God, a Taman anundala a Leklek e Iesu Karisito, ning dala atong aleklek pasi onone pa lamur pa bel ir rarop, i tasmani ot mang a atong a momolna.

Galesia 1:20

Oroi! A lele namatana e God mang asaning a tumusi tetek mulo bel a asongo!

Epeses 6:18

Mulor nunung taum ana rakrakai ana Talngan Tabu ana pukakiarla rop, taum ana urmatana nunung rop. Mulor kes na sang, pa mulor sira nunung bolbolos ana taraila rop ane God.

Pilipai 1:3

Ana taemla rop ning a sira nuk mulo, a atong wakak tetek a nuk a God o mulo.

Pilipai 1:4

Pa ana nuk na nunung rop sur mulo rop, a nunung taum ana gasgas,

Pilipai 2:22

Ika mulo ka tasman a wakak a toltol ane Timoti, ning i titol taum hok ana warawai ana Wakak a Warwara arlar ana kaklik ning i titol taum o e tamana.

Pilipai 3:3

Dala ning dala lotu tetek e God taum ana rakrakai a Inguna, dala ka a tarai momol ane God, larning di ka kot talilis tar dala. Bel dala tortorot ana rakrakai a tarai. Dala tortorot ka ana titol ning e Karisito Iesu ka tol tari on dala.

1 Tesalonika 1:2

Mitol sira atong wakak tetek e God o mulo rop, pa mitol sira saran tar mulo tetek e God ana numitol na nunungla.

1 Tesalonika 3:10

Ana moromla pa a kabakiarla, mitol saran arop tar anumitol a lalaun ana nunung. Mitol nunung sur mitol ir oroi ulak mulo, pa mitol ar asaer mulo anal utna ning mulo kapan suri ana numulo a tortorot.

1 Tesalonika 5:17

Gong mulo manah ana nunung.

1 Timoti 2:7

Ine kamkamna ning e God i aslang pas iau sur ar aposel pa ar warawai ana Wakak a Warwara tetek a taraila ning bel na tarai Juda, pa ar asaer la ana tortorot momol. A atong momoli, bel a asongo.

2 Timoti 1:3

A atong wakak tetek e God, esaning a titol teteki ana nuknuk ning bel ta rongo na mata e God, arlar ana tumtubuk tagun nating. A atong wakak teteki ana moromla pa a kabakiarla ning a nunung hom.

Pilimon 1:4

Ning a nunung, a sira nuk pas u, pa a atong wakak tetek e God hom,