A Pas ane Pol tetek a tarai Rom 1:16 - Label

¹⁶ Bel a meme ana Wakak a Warwara, anasa i a rakrakai e God sur ir alaun pas a taraila rop ning la tortorot. Tetek mila a tarai Juda nigo, pa onone tetek mulo otleng ning bel na tarai Juda.

A Pas ane Pol tetek a tarai Rom 1:16 Referencias Cruzadas

A Wakak a Warwara o e Iesu Karisito i tumusi 8:38

Pa tik ning ir meme hok pa anuk na warwara namatana taun taraila ning anunla lalaun i bakbak kusun e God pa la sira tol a toltol laulau, a Nat a Barsan otleng ir meme ono ning ir hanot taum ana nuna angelola pa a matatar anune Tamana.

Luk 9:26

Ning tik ir meme hok pa ana nuka warwarala, a Nat a Barsan otleng ir meme onoi, ning ir hanot ana nuna matatar, pa a matatar otleng ane Tamana pa anuna angelola.

Jon 7:35

Dingla na Juda la deke artalai la mange, “A barsan ne ir han ma utaha, ning bel dalar oroi teteki? Ir han sur a hanhanuala anuna tarai Grik, ning anundala na tarai la kes ia? Ngandek ir asaer a tarai Grik?

Aposel 3:26

Ning e God i sune sen anuna Tena Titol, i sune nigoni tetek mulo, sur ir angisngis mulo, ning ir ben ulak mulo rop kusun anumulo na toltol laulaula.”

A Pas ane Pol tetek a tarai Rom 10:17

I maining a tortorot i hanot tetek a tarai ning la longor a Wakak a Warwara. A warwara ning la longori, a warwara ot ane Karisito.

A Pas ane Pol tetek a tarai Rom 15:19

La oroi a rakrakai ana akinalangla pa a ututnala na kulkulan ning a toli ana rakrakai a Talngan Tabu. Manglarning misaot e Jerusalem tuk to e Ilirikum ia ka warawai rop pas tingia ana Wakak a Warwara ane Karisito.

A Pas ane Pol tetek a tarai Rom 15:29

Pa a tasmani mang ning ar hanot tetek mulo, ar bukus ana angangis ning e Karisito ka saran tari tak, sur ir nangan mulo.

A Pas ane Pol tetek a tarai Rom 2:9

Pa ir saran a mamahatla pa a tnan kankan tetek la rop ning la tol a laulauna. Ir tol nigoni tetek a tarai Juda, pa lamur tetek a tarai masik otleng.

A Pas ane Pol tetek a tarai Rom 4:11

Ning belot di kot talilis e Abaram, e God i atongi mang i tostos namatana, anasa ana nuna tortorot ot. Ning e Abaram i kibas pas a akinalang na kot talilis, i asangani mang ka tostos namatana e God. I maining e Abaram a taman a tarai rop ning bel di kot talilis a palaonla. La tortorot pa e God i atong la mang la tostos namatana.

1 Korin 15:2

Ning mulo tong akes a warwara ning ia ka warawai tar onoi tetek mulo, e God ir alaun pas mulo ana Wakak a Warwara ne. Ning bel, mulo tortorot oros ka.

1 Korin 2:2

A warawai larning anasa, ning a kes taum o mulo, bel a mang sur ar nuknuk on ta utna masik. A nuknukik i kes ka o e Iesu Karisito pa nuna minat saot na rakai kutus.

1 Korin 2:4

Ning a warwara pa warawai, bel a warwara ana warwara na tastasim anuna tarai, pa bel a warwara ana ngas a warwara ning ir dat a nuknukin a tarai. A rakrakai ana Talngan Tabu i amomol anuka warwara,

1 Korin 9:12

I tostos sur a tarai masik lar kibas pas a harnangai ne tamulo, pa i tostos kol sur mila otleng milar kibasi tamulo. Ika bel mila angongos pas mulo sur anumulo ta harnangai. Mila kilang a galis a mamahat, ika bel mila nunung mulo sur ta harnangai, sur gong mila sairas a Wakak a Warwara ane Karisito.

1 Korin 9:18

Asa ning anuka arlou? Anuk a arlou i larne: Ar gas sur ar warawai ana Wakak a Warwara, pa bel tik ir lou iau. A toli larne sur gong a nunung mulo sur anumulo ta harnangai ning i tostos sur mulor sarani tetek iau.

2 Korin 2:12

Ning a hanot ting na hanua Troas, sur ar warawai ana Wakak a Warwara ane Karisito, a oroi i mang a Leklek ka sapang tar a ngas sur ar warawai.

2 Korin 4:4

E Satan, a god mite na rakrakan hanua, i san akut pas a nuknuk a tarai ning bel la tortorot, sur bel lar oroi a talapor ana Wakak a Warwara ning i apuasa a matatar ane Karisito, i ot a manar e God.

2 Korin 9:13

A titol ne mulo toli, i amomol anumulo a tortorot. Pa a galis lar atong aleklek pas e God, anasa anumulo a tortorot ana Wakak a Warwara o e Karisito i saran a toltol na longor. Pa lar atong leklek e God ana numulo a wakak a toltol ning mulo tabar la pa a tarai rop otleng.

Galesia 1:7

A asasaer ning, bel a Wakak a Warwara, ika onone dingla na tarai la aloklokron mulo pa la mang sur lar lingir a Wakak a Warwara o e Karisito.

1 Tesalonika 2:13

Pa mitol sira atong wakak otleng tetek e God mange, ning mulo longor a warwarala ane God ta mitol, mulo kibasi. Bel mulo kibasi arlar ana warwarala ka anuna tarai, mulo kibasi anasa a warwara ot ane God. A warwara ning kaning i titol ting na lalaun anumulo ning mulo ka tortorot.

1 Timoti 1:11

A tostos na asasaer i kes ana Wakak a Warwara, ning e God i saran tari tak sur ar atatai onoi. A Wakak a Warwara ne ane God, a God na matatar ning i angis tikin.

2 Timoti 1:12

Ine kamkamna ning a kilang kankan larne. Ika, bel a meme, anasa a tasman esaning a tortorot onoi. I momol kol, a tasmani mang ir tolsot pasi sur ir tai alar a titol ning i saran tari tak, tuk ana pukakiar a warkurai.

2 Timoti 1:16

A nunung sur e God ir maris e Onesiporus latamana, anasa e Onesiporus i sira agasgas iau, pa bel i meme hok ning a kes ana dodot.

2 Timoti 1:8

Pa gong u meme sur ur atatai ana Leklek anundala, pa gong u meme hok ning a kes te na rumai a dodot ana risana. Ika, ur sang sur u otleng ur kilang kankan ana Wakak a Warwara taum hok. Pa e God ot ir saran a rakrakai tetek u ning ur titol.

Hibru 4:12

Anasa a warwara ane God i laun pa i titol. I harat kol tana liwan na harum ning naur a ris. I kas pa i kokot tuk ana pukna ning a ingundala pa balandala dia han taum ia. Pa i kas pa i kokot tuk ana pukna ning a surla la han taum ia. Pa i warkurai a nuknukindala pa balandala.

1 Pita 4:16

Ika, ning di akadik u ka anasa u a te Karisito, gong u meme. Ur atong aleklek pas e God, anasa u kibas a risana e Karisito.