A Pas ane Pol tetek a tarai Rom 1:13 - Label

¹³ Na tastasikla, a mang sur mulor tasmani mang, a galis a taem, a mang sur ar oroi mulo, sur ar nangan mulo par oroi a wana nuka titol ting na numulo a lalaun, larning a oroi ting na lalaun ana maskan a tarai, ning la otleng bel na tarai Juda. Ika, tuk onone, bel a han lar pas.

A Pas ane Pol tetek a tarai Rom 1:13 Referencias Cruzadas

Jon 12:24

A atong momoli ta mulo, ning a pat a wit bel ir punga ting na kabalapiu pa bel ir mat pas, ir kes ot larning, takai ka. Ika ning ir mat pas, ir wai pa ir suah galis a patna.

Jon 15:16

Bel mulo aslang pas iau, iau ot a aslang pas mulo. Pa a saran a titol ta mulo sur mulor han pa mulor wai, pa a waimulo ir kes tikin. Pa e Tata ir tabar mulo ana ututnala rop mulo nunung suri ana risak.

Jon 4:36

A tena sol ning i sol a utna na hangan, i los arlou ono. Pa utna ning i sol pasi, i a tarai ning la kibas a lalaun tikin. Pa a tena omomai pa a tena sol, diar gas taum.

Aposel 1:15

Ona ning a pukakiar na arpotor tana pukakiarla ning, a tena tortorotla la kes taum, la rop la arlar ana takai amar pa pisir naur a bonot. E Pita i tur pa i atongi mang,

Aposel 14:27

Ning dia hanot, dia kabah taum pas a tarai a lotu, pa dia atai la ana ututnala rop ning dia toli taum ana rakrakai ane God. Dia atai la otleng mang e God ka tol a ngas tagun a tortorot tetek a tarai ning bel a tarai Juda.

Aposel 15:12

Pa tarai rop ning la kes taum, la kes longoroi, ning la longor e Pol pa e Barnabas, dia warwara ana asilangla taum ana ututna na kulkulan dia toli ana rakrakai ane God tetek a taraila ning bel a tarai Juda.

Aposel 19:21

Ning a ututnala ne ka rop, e Pol i mang sur ir han usaot e Jerusalem, pa ir bolos ana papar Makedonia pa a papar Akaia. Pa i atongi mange, “Ning ia ka han pas saot e Jerusalem, ar han kale uto e Rom.”

Aposel 21:19

Ning e Pol ka warwara na gasgas pas la, i atai la ana taktakai utna ning i toli ana rakrakai e God ana nuna titol tetek la ning bel a tarai Juda.

Aposel 28:14

Mila pastetek pas dingla na tastasimila ana tortorot tingia, pa la ben mila sur milar kes pas ta wik napirin la. Lamur, mila han utumo e Rom.

A Pas ane Pol tetek a tarai Rom 1:12

Manglarning, ning ar oroi anumulo a tortorot, pa mulo otleng mulor oroi anuka tortorot, dalar arakrakai artalai dala.

A Pas ane Pol tetek a tarai Rom 11:25

Na tastasikla, a mang sur mulor tastasim ana utna ning nating i mumun, sur gong mulo aitna pas mulo. I manglarne: Dingla na tarai Israel, ir rakrakai a balanla, tuk ning a wawas ana tarai masik ning la tortorot, ir arlar ana nuknuk e God.

A Pas ane Pol tetek a tarai Rom 7:1

A tastasikla, ar warwara tetek mulo ning mulo tasman ot a Warkuraila. Mangasa, belot mulo tasmani mang la ka ning la laun ot la kes nahai a Warkuraila?

1 Korin 1:10

Na tastasik, a nunung mulo ana risan anundala a Leklek e Iesu Karisito, sur mulo rop mulor tur taum, pa gong mulo tapagal sarara. Pa ir takai ka a nuknukimulo pa balamulo.

1 Korin 10:1

Na tastasik, a mang sur mulor nuk pas na tumtubundala, ning la han mitumo e Ijip. La rop la han nahai a diah bakut, pa la rop la kotop a Kubar a Tasi.

1 Korin 12:1

Na tastasik, onone ar atai mulo ana artabarla anuna Talngan Tabu, anasa a mang sur mulor talapor ono.

1 Korin 14:20

Na tastasik, gong a nuknukimulo i arlar ana kakakla. Ana toltol laulau i wakak sur mulor arlar ana kakak mermeremla. Ika, ana nuknukimulo, mulor arlar ana tatatnanla.

1 Korin 14:26

Na tastasik, asa ar atongi? Ning mulo kes taum ana lotu, dingla na tarai lar saksak, dingla lar asaer a tarai, dingla lar warwara puasa on ta utna ning e God ka asangan tari tanla, dingla lar warwara ana urmatana ngas a warwara, pa dingla otleng lar pak a kamkamna. A ututnala rop ne dir toli sur ir arakrakai a tarai a lotu.

1 Korin 9:2

Sakana dingla na tarai la nuki mang belsur iau a aposel, ika tetek mulo, i momol mang iau a aposel. Anasa anumulo a lalaun taum ana Leklek i amomoli mang iau a aposel.

2 Korin 1:8

Na tastasimila, mila mang sur mulor tasman a kankanla ning mila kilangi ting na hananuala tumo na papar Esia. Mila kilang a tnan mamahat kol. Bel ma mila rakrakai pa bel ma mila nuki mang milar laun.

2 Korin 2:14

Ika a atong wakak tetek e God, anasa e Karisito i nigon mila arlar ana king ning ka tolsot pas a hiruala pa i nangan mila sur milar warwara puasa ting na hananuala rop ana Wakak a Warwara o e Karisito. A Wakak a Warwara i arlar ana tomtoboh tetek la ning la longori.

Galesia 3:15

Na tastasikla, ar atong a warwara larlar ta mulo. Mulor nuk pasi, ning ir naur a barsan dia lele tar pa dia ka tol tar ta malmaling taum, bel tik ulak ir lingir lar pasi.

Galesia 6:18

Na tastasikla, a marmaris anuna Leklek anundala, e Iesu Karisito ir kes ana ingumulo. Amen.

Pilipai 1:22

Ning a laun ana palaok, ar titol sur ta wakak a wana nuk a titol. Pa bel a tasmani esi na halindiau ning ar aslang pasi, a lalaun o a minat.

Pilipai 4:17

Bel anumulo na artabar ning a tai suri. A mang ka sur mulor kibas a arlou ana numulo a wakak a titol ning.

Kolosi 1:10

Mia nunung larne sur anumulo a lalaun ir arlar ana toltol anuna Leklek, pa mulor sira tol asaning ir gas onoi. Larning anumulo a lalaun ir suah a waimulo ana wakak a titol rop ning mulor toli, pa mulor gomo ana numulo a tastasman o e God.

Kolosi 1:6

ning i hanot tetek mulo. A Wakak a Warwara ning i gomo pa i wai te na rakrakan hanua rop, arlar larning ka suah tari na arpotor ta mulo, turpasi ana pukakiar ning mulo longori pa mulo tasman momol a marmaris ane God.

1 Tesalonika 2:18

Mitol mang kol sur mitol ar ulak tetek mulo. Iau e Pol a toho i pa toho i sur ar han tetek mulo, ika e Satan i sairas mitol.

1 Tesalonika 4:13

Na tastasimitol, mitol mang sur mulor tastasman onla ning la ka mat, pa gong mulo bal maris arlar ana tarai ning bel la harnanai ana tortorot ana kamkamtur ulak kusun a minat.

2 Tesalonika 2:7

A rakrakai ana toltol na kutus warkurai kane ka titol kumna te na rakrakan hanua. Ika, esaning i sairas tari, i sairasi ot kaba, tuk ana pukakiar ning dir los maskan seni.

2 Timoti 4:17

Ika a Leklek i nangan iau, pa i arakrakai iau sur ar tolsot pas a warawai ana Wakak a Warwara, pa a taraila rop ning bel na tarai Juda lar longori. Pa ning la mang sur lar umkol iau, a Leklek i alaun pas iau.