Matiu 8:10 - Label

¹⁰ Ning e Iesu i longor anuna warwara, i kulkulan kol onoi, pa i atongi tetek a tarai ning la muri mang, “A atong momoli tamulo, bel a oroi tar ta te Israel ning anuna tortorot i itna arlar ana barsan ning.

Matiu 8:10 Referencias Cruzadas

Matiu 15:28

Pa e Iesu i kelesi mang, “Lak, i itna kol anuma tortorot! A utna ning u mang suri, ar toli ot tetek u.” Pa ana puka kamis ot ning, e natnalik i langolango.

Matiu 8:11

A atai mulo mang kaning lamur a galis a tarai lar han miting namatana tobar pa matana labur, pa lar kes taum o e Abaram, e Aisak pa e Jekop ana ngasa ting na matanitu saot na langit.

Matiu 8:9

Anasa iau a barsan ning a sira longor ana warkurai anunla ning la leklek tak, pa di saran tar a warkurai otleng tak sur ar nigon a tarai a harum. Ning ar atongi tana tik mang, ‘Ur han,’ ir han ka. Pa tetek tik otleng larne, ‘Ur han ute,’ ir han ka ute. Pa tetek anuka tena titol mang, ‘Ur tol a utna ne,’ ir toli ka.”

A Wakak a Warwara o e Iesu Karisito i tumusi 6:6

Pa e Iesu i kulkulan mang bel la tortorot ono. Lamur e Iesu i han ting na hanhanuala pa i asaer a taraila.

Luk 5:20

Ning e Iesu i oroi anunla tortorot, i atai i mang, “Halik, di ka kepsen tar anum na toltol laulau.”

Luk 7:50

E Iesu i atai a hane ning mang, “Ana num a tortorot ot, di ka alaun pas u. Ur han ana bal molmol.”

Luk 7:9

Ning e Iesu i longor a warwara ne, i kulkulan kol onoi, pa i talingir tetek a tarai ning la muri, pa i atongi mang, “A atongi ta mulo mang, bel a oroi tik ta te Israel, ning anuna tortorot i itna arlar ana barsan ning.”

Aposel 2:7

Pa la rop la kulkulan pa la nuknuk kol ana utna ne, pa la atongi mange, “Oroi, la ne, ning la warwara, a tarai Galilila rop ka!