Matiu 7:6 - Label

⁶ “Gong mulo tabar a papla ana utna ane God, sakana lar talingir, pa lar arat gingini mulo. Pa gong mulo minggen anumulo a sar tetek a boroila, sakana lar pas gingini i ka ana hanla.

Matiu 7:6 Referencias Cruzadas

Matiu 15:26

Pa e Iesu i kelesi mang, “Bel i tostos sur dir los a utna na hangan ana kakakla, pa dir minggeni tana papla.”

Matiu 24:10

Ana pukakiarla ning, a galis lar han kusun a tortorot. Lar saran artalai la tetek a hiruala, pa lar nget artalai la.

Matiu 7:5

U a tena asasongo, ur kepsen nigon a puka rakai kusun a matam, pa ur tai wakak, sur ur kepsen a beren kusun a matana e tasimlik.

2 Korin 11:26

Ia ka han ana galis a tinan. A arlar ana utna na hinirua ana tinan ana malumla, pa dingla na taem milau ar hirua ting na kuna tena kinkinaula. Milau ar barat a hinirua tana nuk a tarai ot, pa a tarai masik otleng. Milau ar barat a hinirua ting na hananuala, pa ting na hanua bel, pa tisa latasi. Pa milau otleng, ar hirua tana asasongo na tastasik ana tortorot.

Pilipai 3:2

Mulor tumarang mulo kusun a tarai ning la tol a laulauna, ning la arlar ana ngalngaliah na pap. La kot laulau a palaon a tarai, pa la asaer la mang, ning bel di kot talilis la, e God bel ir alaun la.

Hibru 10:29

Ning tik i anatarna pas a Nat e God, pa i nuki mang a suluk ana kunubus, ning di ka atotoh tari onoi i a utna oros ka, pa i atong laulau a Talngan Tabu na marmaris, ir rakrakai kol a warkurai a arkeles teteki. Ir rakrakai kol tana warkurai a arkeles tetek tik ning i tabun longor ana warkurai ane Moses.

2 Pita 2:22

A warwara larlar ne i sot onla: “A pap i han ulak sur a muraena.” Pa ning a warwara larlar otleng ne: “A palsai a boroi ning di ka pukur tari ir han ulak pa ir polpolos.”

Tatatai 22:15

Ika a papla, na tena wah, la ning la tol na pamuk a toltol, na tena um kol a tarai, la ning la lotu tetek a asasongo na godla, pa la ning la mang sur a asasongo pa la toli, la kanumo lapiu na woroh.