Matiu 5:1 - Label

¹ E Iesu i oroi pas a kunum a tarai, pa i han kas ting na mangir, pa i kes. Anun a tarai a asaer la han teteki.

Matiu 5:1 Referencias Cruzadas

Matiu 13:2

A tnan kunum a tarai la tur talilis pasi. Pa i kas uting na mon pa i kes, pa a tarai rop la tur tumo korot na hang.

Matiu 15:29

E Iesu i han mitingia, pa i asal amon tumo na hang ting na puka tasi Galili. Lamur i han kas usaot na mangir pa i kes.

Matiu 4:25

Pa a tnan kunum a tarai mitisa na papar Galili pa miting na papar Dekapolis, pa misaot e Jerusalem, pa misaot na papar Judia pa mitumo na ris a malum Jodan la mur e Iesu.

Matiu 5:2

Pa i asaer la mang,

A Wakak a Warwara o e Iesu Karisito i tumusi 3:13

Lamur e Iesu i han usaot na mangir, pa i kabah pas la ning i mang sur la, pa la han teteki.

A Wakak a Warwara o e Iesu Karisito i tumusi 3:20

Lamur e Iesu i kas ting na rumai pa a tnan kunum a tarai kale la han teteki, pa e Iesu taum ana nuna kakak a asaerla bel la tolsot sur lar hangan.

A Wakak a Warwara o e Iesu Karisito i tumusi 4:1

E Iesu i tur ulak pas a asasaer tumokorot na puka tasi. Pa a tnan kunum a tarai la tur talilis pasi. Pa i kas uting na mon pa i kes sa na puka tasi. A tnan kunum a tarai rop la tur tumo korot na hang.

Luk 6:12

Ning a pukakiar, e Iesu i han usaot na mangir sur ir nunung. A kidol a morom ning, i nunung tetek e God.

Luk 6:17

E Iesu pa anuna tarai a asasaer la han purum misaot na mangir, pa i tur ting na puka tostosna, taum ana nuna kunum a tarai a asasaer. A galis a tarai misaot na papar Judia pa e Jerusalem pa tagun a hananuala tumo latasi milau e Tair pa e Saidon otleng,

Luk 6:20

E Iesu i ngoson anuna tarai a asasaer pa i atongi mang, “Mulo ning mulo kapan, mulo angis, anasa a matanitu ane God anumuloi.

Luk 9:28

Ngandek ka siwal a pukakiar alar tar a warwara ning, e Iesu i ben pas e Pita, Jon pa e Jems, pa la han usaot na mangir sur lar nunung.

Jon 6:15

Ning e Iesu i tasmani mang la mang sur lar han teteki sur lar angongosi sur ir king, io, i han masik kusun la usaot ana ning a mangir.