Matiu 24:11 - Label

¹¹ A galis a asasongo na propet otleng lar hanot, pa lar asongo pas a galis a tarai.

Matiu 24:11 Referencias Cruzadas

Matiu 24:12

A marmaris anuna galis ir rop, anasa na toltol laulaula ir itna kas amon.

Matiu 24:24

Anasa al asasongo na Karisito, pa al asasongo na propet lar hanot. Lar tol al tatatnan akinalang pa al ututna na kulkulan sur lar asongo pas a tarai ning e God ka aslang pas la, ning ot lar tolsot pasi.

Matiu 24:5

Anasa a galis lar hanot ana risak, pa lar iaunan la mang, ‘Iau e Karisito,’ pa lar asongo al galis a tarai.

Matiu 7:15

“Mulor tumarang ana asasongo na propetla. La sira han tetek mulo ana wakak a gininla arlar ana sipsipla, ika tingia na balanla, la mang sur lar alaulau mulo arlar ana ngalngalia na papla.

A Wakak a Warwara o e Iesu Karisito i tumusi 13:22

Anasa al tena asasongo na Karisito, pa tena asasongo na propetla lar hanot, lar tol al akinalang pa al utnala na kulkulan sur lar asongo a taraila ning e God i aslang pas la, ngandek lar tolsot onla.

Aposel 20:30

Pa al tarai otleng o mulo lar tur ot, pa lar lingir a momolna, sur a tarai a lotu lar mur la.

1 Timoti 4:1

A Talngan Tabu i apuasa i mang al tarai lar han masik kusun a momol a tortorot ana ararop a pukakiarla, pa lar mur a mot asasongola, pa lar mur a asasaerla anuna motla.

2 Pita 2:1

Ika nating na asasongo na propet la kes arpotor tana tarai Israel. Larka otleng ning na asasongo na tena asaer lar hanot arpotor ot ta mulo. Lar akas kumnan anunla na asasongo na asaer ning ir alaulau a tortorot, pa lar puain sen a Leklek ning ka lou pas la. Lar kibas kapit pas a hinirua.

1 Jon 2:18

Na natnatukla, onone dala kes ana ararop a pukakiarla. Mulo ka longor tari mang a hirua ane Karisito ir hanot, pa onone a galis a hirua la ka hanot. Larning dala tasmani mang a ararop a pukakiar ka milau.

1 Jon 2:26

A tumus a ututnala ne tetek mulo, sur ar atumarang mulo kusun la ning la mang sur lar ben rongon mulo.

1 Jon 4:1

Na halalik, gong mulo tortorot ororos ka ana tik ning i atongi mang a Talngan Tabu i saran tar a warwara teteki. I wakak sur mulor tohi sur mulor tasman lalani mang i tagun e God o bel, anasa a galis a propet asasongola kane ma na rakrakan hanua.

A Pas ane Jut 1:4

A tumtumus, anasa dingla na tarai la ka kas kumna tar tetek mulo. Bel la mur a nuknuk e God, pa lar han tostos sur a hinirua, larot ning di ka tumus tari natnating ot ting na Buk Tabu. La lingir laulau a marmaris ane God, pa la atongi mang, “I wakak ka ning dalar tol na toltol a pamuk.” Pa la puain sen anundala a Ningnigo pa anundala Leklek, e Iesu Karisito, i takai sot ka.

Tatatai 19:20

Ika di tong akes pas a rokoio a inagoi pa asasongo na propet, esaning ka tol a akinalangla ana risana rokoio a inagoi. Ning i tol a akinalangla ning, i asongo pas la ning a akinalang ana rokoio a inagoi kaning on la, pa la lotu tetek a manar a rokoio a inagoi. Di minggen lalaun tar a asasongo na propet pa rokoio a inagoi ting na tnan tung a iah ning i irnga ana salfa.