Matiu 24:10 - Label

¹⁰ Ana pukakiarla ning, a galis lar han kusun a tortorot. Lar saran artalai la tetek a hiruala, pa lar nget artalai la.

Matiu 24:10 Referencias Cruzadas

Matiu 10:21

“Tik ir saran sen e tasnalik sur dir umkoli, pa ta barsan ir saran sen e natnalik sur dir umkoli. Pa kakakla lar tur na harum tetek e tamanla pa kabatnanla pa lar saran sen diau sur dir umkol diau.

Matiu 11:6

Esining i oroi a ututnala ne a toli, pa anuna tortorot bel i punga, ka angis.”

Matiu 13:21

Ika a warwara bel i kes rakrakai ting na balana, pa barsan ning bel ir tur bongnani arlar ana wit ning belal wakirna. Ning a mamahatla ir hanot, pa dir alaulau i, anasa i tortorot ana warwara ane God, ir punga kapit.

Matiu 13:57

Pa bel la gas ono. Ika e Iesu i atai la mang, “Di sira hanrawai a propet ting na hanua masik, ika la ot ting na hanua ngasna pa ting na rumai ngasna bel la hanrawai i.”

Matiu 24:11

A galis a asasongo na propet otleng lar hanot, pa lar asongo pas a galis a tarai.

A Wakak a Warwara o e Iesu Karisito i tumusi 13:12

“Tik ir saran sen e tasnalik sur dir umkoli, pa ta barsan ir saran sen e natnalik sur dir umkoli. Pa kakakla lar tur na harum tetek e tamanla pa kabatnanla, pa lar saran sen diau sur dir umkol diau.

A Wakak a Warwara o e Iesu Karisito i tumusi 4:17

Ika a warwara bel i kes rakrakai ting na balanla, bel lar tur rakrakai arlar ana witla ning belal wakirinla. Ning a mamahatla ir hanot, pa dir alaulau la ana warwara ning la tortorot ano, lar punga kapit.

Luk 21:16

A tamtamamulola pa na kaba tnamulola, a tastasimulola, a maimulola, pa na halalimulola, lar saran sen mulo sur dir umkol al tarai o mulo.

2 Timoti 1:15

U tasmani mang a tena tortorot rop ning la kes ana papar Esia la ka han pas kusun iau. E Pigelus pa e Hermogenes naur tagun la.

2 Timoti 4:10

anasa e Demas ka han kusun iau, anasa i mang sur a ututnala mite na rakrakan hanua, pa ka han utumo e Tesalonika. E Kresko i han utumo ana papar Galesia pa e Taitus i han utumo ana papar Dalmatia.

2 Timoti 4:16

A ningnigo na pukakiar ning a tur ana warkurai pa a atalapor iau, bel tik i tur nangan iau, la han rop ka kusun iau. A nunung mang e God gong i keles anunla toltol.