Matiu 13:21 - Label

²¹ Ika a warwara bel i kes rakrakai ting na balana, pa barsan ning bel ir tur bongnani arlar ana wit ning belal wakirna. Ning a mamahatla ir hanot, pa dir alaulau i, anasa i tortorot ana warwara ane God, ir punga kapit.

Matiu 13:21 Referencias Cruzadas

Matiu 10:22

Pa taraila rop lar nget mulo anasa mulo anuki, ika esining ir tur rakrakai tuk anuna lalaun ir rop, e God ir alauni.

Matiu 11:6

Esining i oroi a ututnala ne a toli, pa anuna tortorot bel i punga, ka angis.”

Matiu 13:20

Pa a patnala ning la punga ting na pukna ning i hatat, la arlar ana barsan ning i longor a warwara, pa ono otning, i tong akesi ana gasgas.

Matiu 13:57

Pa bel la gas ono. Ika e Iesu i atai la mang, “Di sira hanrawai a propet ting na hanua masik, ika la ot ting na hanua ngasna pa ting na rumai ngasna bel la hanrawai i.”

Matiu 13:6

Ika ning a kamis i sasai ot, la main pa la marang rop, anasa belal wakirinla.

Matiu 24:13

Ika esining ir tur rakrakai tuk ana araropna, e God ir alauni.

Matiu 26:31

E Iesu i atongi tanla mang, “Mese na morom, mulo rop mulor han kusun iau. Anasa di ka tumus tari ting na Buk Tabu mang, E God i atongi mang, ‘Ar um a tena tai alar ana sipsipla, pa na sipsip lar liu sarara.’ Sekaraia 13:7

Matiu 26:33

E Pita i atai i mang, “Ning la rop lar han kusun u, ika iau bel.”

A Wakak a Warwara o e Iesu Karisito i tumusi 4:17

Ika a warwara bel i kes rakrakai ting na balanla, bel lar tur rakrakai arlar ana witla ning belal wakirinla. Ning a mamahatla ir hanot, pa dir alaulau la ana warwara ning la tortorot ano, lar punga kapit.

Luk 8:13

Pa a patnala ning la punga ting na pukna ning i hatat, la arlar ana tarai ning la longor a warwara, pa la tong akesi ana gasgas. Ika, belal wakirinla, anunla tortorot bel i tur bongnani, pa ning a larlar ir hanot tetek la, lar punga ka.

Jon 6:26

E Iesu i keles la mange, “A atong momoli ta mulo, bel mulo tai sur iau anasa mulo oroi a akinalangla ning a toli, belal. Mulo tai ka sur iau anasa mulo ien a bret pa mulo masur ono.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

Galesia 6:12

La ning la tohi sur lar ngongos pas mulo sur dir kot talilis mulo, la toli anasa la mang sur lar aleklek pas la namatana taraila. La toli larne anasa la matmataut sakana dir akadik la, ning lar warawai ka ana tortorot ana rakai kutus ane Karisito.

Galesia 6:15

Ning di kot talilis tik, o bel di kot talilisi, i utna oros ka namatana e God. Ning a utna ka i itna, dala a tona akakes ane God.

Epeses 3:17

sur e Karisito ir kes uting na balamulo, ning mulo tortorot onoi. Pa a nunung mang a wakwakirim mulo ir tong kes ana marmaris pa mulo tur rakrakai onoi,

Pilipai 1:6

A tasman momoli mang e God ning i turpas a wakak a titol o mulo, anuna titol kaning ot i han, tuk ning ir aropi ana pukakiar ning a Karisito Iesu ir hanot onoi.

2 Timoti 1:15

U tasmani mang a tena tortorot rop ning la kes ana papar Esia la ka han pas kusun iau. E Pigelus pa e Hermogenes naur tagun la.

2 Timoti 4:10

anasa e Demas ka han kusun iau, anasa i mang sur a ututnala mite na rakrakan hanua, pa ka han utumo e Tesalonika. E Kresko i han utumo ana papar Galesia pa e Taitus i han utumo ana papar Dalmatia.

Jems 3:2

Dala rop dala rongo ana galis a utna. Ika, ning tik bel i rongo on ta utna ana nuna warwara, esaning i tostos kol, pa i tolsot pasi sur ir tai alar anuna lalaun rop.

1 Pita 1:5

Pa i tai alar mulo ana rakrakaina, anasa mulo tortorot onoi. Ir tai alar mulo tuk ana ararop a pukakiar ning ir alaun mulo. Pa ana nuna titol ning, ir apuasa asaning ka sang tari sur mulo.

Tatatai 2:13

A tasman a hanua ning mulo kes ia, a hanua ning e Satan i kes na king ia. Ika mulo tur rakrakai ana risak. Anumulo a tortorot bel i han masik kusun iau, ning di um kol e Antipas. Esaning anuka momol a tena warwara talapor, ning di um koli ting na numulo a hanua, ning e Satan i kes ia.