Luk 6:6 - Label

⁶ Ana ning a Pukakiar Sabat ulak, e Iesu i kas uting na rumai lotu, pa i asaer a taraila. Pa ning a barsan kaningia, a sot a kuna i del.

Luk 6:6 Referencias Cruzadas

Matiu 4:23

E Iesu i han taltal ting na papar Galili rop, pa i asaer a tarai ting na nunla na rumai a lotula. I warawai ana Wakak a Warwara ana matanitu misaot na langit. Pa i alangolango pas a taraila kusun a urmatana ngas a tinsamanla rop.

Luk 13:10

Ana ning a Pukakiar Sabat e Iesu i asaer a taraila ting na ning a rumai lotu.

Luk 14:3

E Iesu i deken a tena asaerla ana Warkuraila pa a Parisaiola mange, “Mangmangasa, i tostos ana warkurai sur dir alangolango a taraila ana Pukakiar Sabat o bel?”

Luk 4:16

Ning e Iesu i hanot to e Nasaret, a hanua ning i itna tar ono, i kas uting na rumai lotu ana Pukakiar Sabat, arlar ot ana nuna toltol, pa i tur sur ir wawas.

Luk 4:31

Lamur e Iesu i han utumo e Kapernaum, ana papar Galili, pa i asaer la ana Pukakiar Sabat.

Luk 6:1

Ana ning a Pukakiar Sabat, e Iesu i han potor ting na barim a wit, pa anuna kakak a asaerla la turpas a kumut kutus a witla, la gisgisi ana kunla pa la ieni.

Luk 6:5

Pa e Iesu i atai la mange, “A Nat a Barsan ot a Leklek tagun a Pukakiar Sabat.”

Jon 5:3

A galis a tarai ning la kurah ana urmatana tinsaman, la sira borbor tingia, a matanakutla, la ning bel la han, pa la ning a palaonla i mat.

Jon 9:16

Dingla na Parisaio la atongi mange, “A barsan ning i tol a utna ne, i bel tagun e God, anasa i titol ana Pukakiar Sabat.” Dingla na taraila otleng la atongi mange, “A barsan ne a wakak a barsan, anasa i tol a akinalangla ne.” Pa la taptapagal.