Luk 5:1 - Label

¹ Ning a pukakiar, ning e Iesu i tur tumo latasi ana puka tasi Genesaret, a tarai la tur talilis pasi, sur lar longor a warwara ane God.

Luk 5:1 Referencias Cruzadas

Matiu 11:12

“Turpasi ana rau ning e Jon a Tena Baptais i turpas a warawai tuk onone, a matanitu misaot na langit i han rakrakai amon, pa a tarai la rakrakai kol sur lar kas tingia.

Matiu 14:34

Ning la ka han lakai tumo na ning a ris a puka tasi, la sot tumo na papar Genesaret.

A Wakak a Warwara o e Iesu Karisito i tumusi 3:9

I ka alangolango pas a galis a tinsaman, pa la ning la kurah la sur sauran pas la, sur lar susur milau e Iesu pa lar tuki. Pa i atai anuna kakak a asaerla sur lar dulan parung a mon, sur ning a tnan kunum a tarai la kar atalilis pasi, pa ir kas onoi.

A Wakak a Warwara o e Iesu Karisito i tumusi 4:1

E Iesu i tur ulak pas a asasaer tumokorot na puka tasi. Pa a tnan kunum a tarai la tur talilis pasi. Pa i kas uting na mon pa i kes sa na puka tasi. A tnan kunum a tarai rop la tur tumo korot na hang.

A Wakak a Warwara o e Iesu Karisito i tumusi 5:24

Ning dia han taum, a kunum a tarai la mur e Iesu, pa la tur alar pasi.

A Wakak a Warwara o e Iesu Karisito i tumusi 6:53

Ning la ka han lakai tumo na ning a ris a puka tasi, la sot tumo na papar Genesaret pa la dot akes tar a mon.

Luk 12:1

Ning a riprip a tarai la ka hanot taum, pa la sugut artalai la, e Iesu i atai nigon anuna kakak a asaerla mang, “Mulor tai alar mulo kusun a is anuna Parisaiola. A warwara ana nunla na toltol a asasongo.

Luk 5:2

Pa i oroi pas naur a mon ting latasi, ning dingla na tena minggen uben la ka han kusun diau, kaning la gos anunla na uben.

Luk 8:22

Ning a pukakiar e Iesu i atai anuna kakak a asaerla mang, “Dalar han lakai utumo na ris a puka tasi.” La kas uting na mon, pa la han.

Luk 8:23

Ning la dun amon ana sel, e Iesu i borbor duman. A rakrakai a wuwu i ragati tanla ting na tasi, pa a mon i songsongi, pa milau lar hirua.

Luk 8:33

A motla la purum kusun a barsan ning, pa la kas tar ana boroila. Pa boroila la liu purum uting na palis sur utumo na puka tasi, pa la dom rop.

Luk 8:45

Pa e Iesu i deke mange, “Esining i tuk iau?” La rop la puai, e Pita i atongi mang, “Tena Asaer, a tnan kunum a tarai ne la tur talilis u pa la arsugut alar pas u.”

Jon 1:40

Ning a halindiau ning dia longor a warwara ane Jon pa dia mur e Iesu, a risana e Endru, a tas e Saimon Pita.

Jon 6:1

Lamur e Iesu i han lakai a puka tasi Galili, ning di atongi otleng mang a puka tasi Tiberias.

Hibru 13:7

Mulor nuk pas anumulo na ningnigo, ning nating la asaer mulo ana warwara ane God. Mulor nuk pas anunla ngas a lalaun, pa mulor mur anunla tortorot.