Luk 4:7 - Label

⁷ Ning ur lotu tetek iau, a ututnala rop ne anumi ka.”

Luk 4:7 Referencias Cruzadas

Matiu 2:11

La kas ting na rumai pa la oroi pas a kaklik, pa e tana e Maria. La kes ana bokona hanla pa la lotu tetek a kaklik. Lamur la sapang pas anunla na bek pa la tabari ana artabarla ne: a gol, pa a paura di tuni pa sasawana i toboh wakak ning di atongi ana insens, pa a torok ning i toboh wakak otleng ning di atongi ana mira.

Luk 17:16

Pa i tur ana bokona hana milau naur a hana e Iesu pa i atong wakak teteki. A barsan ne a te Samaria.

Luk 4:6

Pa i atongi tana mang, “Ar tabar u ana matatar inla rop pa ana rakrakai sur ur ningnigo anunala rop, anasa di ka saran tari tak, pa ar sarani tetek tik ning a mang suri.

Luk 4:8

E Iesu i atongi tana mang, “Di ka tumus tari ting na Buk Tabu mange, ‘Ur lotu tetek a Leklek anuma God, pa ur longor ka tana.’” Lo 6:13

Luk 8:28

Ning i oroi pas e Iesu, i kukuk, pa i punga purum tar ting na naur a hana, pa i kukuk kol mange, “Iesu, a Nat e God a Leklek Kol, asaning ur toli hok? A nunung u, gong u akadik iau.”

Tatatai 22:8

Iau e Jon, ia ka longor tar a ututnala ne pa ia ka oroi tari. Ning ia ka longor tari pa ia ka oroi tari, a punga ting napir naur a hana angelo sur ar lotu teteki, a angelo ning i asangan tar a ututnala ne tak.

Tatatai 4:10

naur a bonot pa diat a ningnigo otleng la punga hanrawai namatana esaning i kes ana keskes a king, pa i laun tikin bel ir rop pa bel ir rop, pa la lotu teteki. La suah tar anunla na kukuh a king salanigo na keskes a king pa la atongi mang,

Tatatai 5:8

Ning ka kibas a buk ning, diat a lalaun a akakes pa naur a bonot pa diat a ningnigo, la punga hanrawai tar salanigo tana Nat a Sipsip. La rop la tong taktakai a gita pa taktakai a besen ning di toli ana gol. A besenla ning, la bukus ana ning a ngas a bulit, ning di tuni pa sasawana i toboh wakak. La ning, a nunungla anuna tarai ane God.