Jon 7:16 - Label

¹⁶ E Iesu i keles la mange, “A asasaerla ne a asaer ono, bel anuki, anun esaning i sune iau ute.

Jon 7:16 Referencias Cruzadas

Jon 14:10

Bel u tortorot mang iau kaning o e Tata, pa e Tata kane hok? A warwarala ning a atongi ta mulo, bel anuki. E Tata ning kane hok i tol anuna titol.

Jon 14:24

Ika esining bel i mang sur iau, bel ir longor ana nuk na asasaer. A warwarala ning mulo longori bel anuki, anun e Tata, ning i sune iau.

Jon 17:14

Ia ka atong tar anuma warwarala tanla, pa a rakrakan hanua i nget la, anasa bel la mite na rakrakan hanua, larning iau otleng, bel iau mite na rakrakan hanua.

Jon 17:8

Ia ka atai tar la ana warwarala ning u saran tari tak, pa la ka kibasi. Pa la tasman momoli mang a hanot tagun u, pa la ka tortorot mang u sune iau ute.

Jon 3:11

A atong momoli tam, mila warwara ana sa ning mila tasmani, pa mila warwara talapor ana sa ning mila ka oroi tari, ika bel mulo tortorot ana numila na warwara talapor.

Jon 3:31

“Esining i han misaot na langit, i leklek kol tana taraila rop. A barsan ning mite lapiu, mitet lapiu, pa i warwara ka ana ututnala mite lapiu. Esining i han misaot na langit, i leklek kol tana taraila rop.

Jon 5:30

E Iesu i warwara ot tetek a Judala mange, “Bel ar tol ta utna ana nuk a nemnem ot, a warkurai a taraila ana utna ning a longori ta e Tata. Pa anuka warkurai i tostos, anasa bel a mur a nuknukik, a mur ot a nuknukna esaning i sune iau ute.

Jon 6:44

Bel tik ir han lar pasi tetek iau. Ika e Tata ot ning i sune iau, ir ben tari tetek iau, pa ar akamturi kusun a minat ana ararop a pukakiar.

Jon 8:28

Pa e Iesu i atongi mange, “Ning mulor rakan kas a Nat a Barsan usaot, mulor tasmani mang iau ning, pa mulor tasmani otleng mang bel a tol ta utna ana nuknukik, e Tata i asaer iau ana sa ning a atongi.

2 Jon 1:9

La ning la han masik kusun a asasaerla ane Karisito pa bel la muri, e God bel i kes onla. Ika la rop ning la mur a asasaerla ne, a Tamandala pa e Natnalik dia kes onla.

Tatatai 1:1

A buk ne, a warwara puasa ane Iesu Karisito, ning e God i saran tari tana, suir asangan tar anuna na tena titol oros ana sa ning milau ir hanot. E Iesu i sune sen anuna angelo tetek anuna tena titol oros e Jon, suir warwara puasa ana ututnala ne tana.