Jon 3:15 - Label

¹⁵ sur la rop ning la tortorot onoi lar laun tikin.

Jon 3:15 Referencias Cruzadas

Matiu 18:10

“Gong mulo oroi purpurum pas ta halin kakakla ne. A atai mulo, anunla na angelola saot na langit la sira oroi a patar e Tata ning i kes saot na langit.

Matiu 25:46

Lamur lar han sur a akadik tikin. Ika a tena tostosla lar han sur a lalaun tikin.”

A Wakak a Warwara o e Iesu Karisito i tumusi 16:16

Esining i tortorot pa di baptaisi dir alauni. Ika esining bel i tortorot, God ir saran a rakrakai a warkurai teteki sur ir mat.

Luk 19:10

Anasa a Nat a Barsan i hanot sur ir tai sur la ning la rongo pa ir alaun pas la.”

Jon 1:12

Ika, la rop ning la maling pasi, pa la tortorot ana risana, i malmaling pas la, sur la na natnat e God.

Jon 16:33

“A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

Jon 20:31

Ika di tumus pas ka a ututnala ne, sur mulor tortorot mang e Iesu i a Karisito, a Nat e God. Pa ning mulor tortorot onoi, mulor kibas ot a lalaun ana risana.

Jon 3:16

“E God i maris a rakrakan hanua, pa i saran tar e Natnalik takai sot ka, sur esining ir tortorot onoi, ir laun tikin, pa bel ir hirua.

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

Jon 6:27

Gong mulo rakrakai ka sur a utna na hangan ning i sira marase. Mulor rakrakai sur a utna ning ir kes sur a lalaun tikin, ning a Nat a Barsan ir tabar mulo ono. Anasa e God e Tata ka saran tar a rakrakai tak sur ar toli larne.”

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

Jon 6:47

A atong momoli ta mulo, esining i tortorot hok, ka kibas a lalaun tikin.

Aposel 13:41

‘Oroi, mulo a tena morot laulaula, mulor kulkulan pa mulor hirua, anasa ar tol ta utna ana numulo na pukakiar a lalaun. Ning tik ir atai mulo ana utna ning ar toli, bel mulor tortorot onoi.’” Hab 1:5

Aposel 8:36

Ning dia han amon ana ngas, dia hanot ana ning a malum, pa a te Itiop i atai e Pilip mange, “Oroi, a malum ne. Asa ir sairas iau sur gong di baptais iau?”

A Pas ane Pol tetek a tarai Rom 5:21

A tarai rop la kes nahai a rakrakai ana toltol laulau, pa i saran a minat tetek la. Ika onone, la ning la kes nahai a rakrakai ana marmaris ane God, e God i atong la mang la tostos namatana, pa i saran a lalaun tikin tetek la, anasa ana tostos a titol ning e Iesu Karisito anundala Leklek i tol tari.

1 Korin 1:18

Anasa a warwara ana rakai kutus, a longlong a warwara ka tetek la ning la han sur a hirua. Ika, tetek dala ning e God i alaun dala, a warwara ana rakai kutus, i a rakrakai ane God.

2 Korin 4:3

Ning a Wakak a Warwara ne mila sira warawai ono ir parau, ir parau ka kusun la ning lar hirua.

Galesia 2:16

Ika, dala tasmani mang e God bel i atong tik mang a tena tostos ning i mur a Warkuraila. Ir atong tik mang a tena tostos ning i tortorot o e Iesu Karisito. Manglarning, dala otleng dala tortorot o e Karisito Iesu, sur dalar tostos namatana e God. Dala tostos ning dala tortorot o e Karisito, pa bel ana mur warkurai. Anasa, e God bel ir atong tik mang a tena tostos ning i mur a Warkuraila.

Galesia 2:20

Di ka sai ahat tar iau taum o e Karisito saot na rakai kutus, pa bel ma iau ne a laun, e Karisito i laun hok. A lalaun na palaondi ning a laun ono, a laun ana tortorot o e Nat e God, ning i maris iau pa i saran tar anuna lalaun sur iau.

Hibru 10:39

Ika dala, bel dala miting onla ning la susur ulak kusun a tortorot pa la hirua. Dala miting na tarai a tortorot, pa e God ka alaun pas dala.

Hibru 7:25

I maining e Iesu i tolsot pasi sur ir alaun a tarai ning la han tetek e God ana risana e Iesu. Ir alaun la pa lar laun tikin, anasa i laun tikin sur ir nunung onla.

1 Jon 2:25

Asa ning i lele tari sur ir sarani tetek dala, a lalaun tikin.

1 Jon 5:1

La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.