Jon 21:5 - Label

⁵ Pa e Iesu i deken la mange, “Kakakla, mulo dat pas ot al sis?” La puai mang, “Belal.”

Jon 21:5 Referencias Cruzadas

Matiu 14:15

Ning ka rah, anuna kakak a asaerla la han teteki, pa la atai i mang, “A pukna ne i bakbak kusun a hananuala, pa ka rah otleng. Ur sune sen a kunum a tarai sur lar han uting na hananuala, sur lar lou pas anla al utna na hangan.”

A Wakak a Warwara o e Iesu Karisito i tumusi 8:7

La los pas naisa na nanatara sis otleng, pa i atong wakak pas ono, pa i sarani sur lar asaurani tana taraila.

Pilipai 4:19

Anuk a God ir bonot asaning mulo kapan suri, misaot na wakak a gongon anunai, anasa mulo ane Karisito Iesu.

Hibru 13:5

Mulor tai alar mulo sur mulor langolango kusun a tnan nuknuk sur a mani. Mulor gas ka ana artabar ane God ning ka kes tetek mulo. Anasa i ot ka atong tari larne, “Bel ar noren sen u, pa bel ar han kusun u.” Lo 31:6

1 Jon 2:13

A tumtumus tetek mulo a tatatnan tarai, anasa mulo ka tasman esining i laun tagun nating ot. A tumtumus tetek mulo a barmanla, anasa mulo ka tolsot pas e Satan. A tumtumus tetek mulo a kakakla, anasa mulo ka tasman e Tamandala.

1 Jon 2:18

Na natnatukla, onone dala kes ana ararop a pukakiarla. Mulo ka longor tari mang a hirua ane Karisito ir hanot, pa onone a galis a hirua la ka hanot. Larning dala tasmani mang a ararop a pukakiar ka milau.