Jon 20:2 - Label

² I dun tetek e Saimon Pita pa a kaklik asasaer ning e Iesu i katnani, pa i atai diau mange, “Di ka kepsen pas a Leklek kusun a kulam a minat, pa bel mila tasmani mang di aborbori taha.”

Jon 20:2 Referencias Cruzadas

Jon 13:23

Ning a kaklik asasaer, ning e Iesu i katnani, i kes milau i.

Jon 19:26

Ning e Iesu i oroi e tana tingia, dia tur taum ana kaklik asasaer ning e Iesu i katnani, i atai e tana mange, “Nana, i ning a natumlik.”

Jon 20:13

Dia dekeni mange, “Wan, u domos sur asa?” I keles diau mange, “La ka los masik pas anuka Leklek, pa bel a tasmani mang di aborbori taha.”

Jon 20:15

E Iesu i dekeni mange, “Wan, u domos sur asa? U tai sur esi?” E Maria i nuki mang a barsan ning i a tena tai alar ana barim, pa i atai i mange, “Lak, ning u los masik pas a minat e Iesu, ur atai iau mang u aborbori taha, sur ar han pa ar los pasi.”

Jon 20:9

Belot dia talapor ana warwara na Buk Tabu mang e Iesu ir kamtur ulak kusun a minat.

Jon 21:20

E Pita i talingir pa i oroi a kaklik asasaer ning e Iesu i katnani kaning i mur diau. Esaning i tan tar o e Iesu ning la hangan, pa i deken e Iesu mange, “Leklek, esi ma ir tuam tar u?”

Jon 21:24

A kaklik asasaer kane, i ning i warwara talapor ana ututnala ne, pa i tumus akesi. Pa dala tasmani mang anuna warwara talapor, i momol kol.

Jon 21:7

A kaklik asasaer ning e Iesu i katnani, i atai e Pita mange, “A Leklek ot numo!” Ning e Saimon Pita i longori mang a Leklek, i pipis ulak pas a kaen ning i paksen tari, pa i sirok uting latasi.