Jon 10:5 - Label

⁵ Bel lar mur ta wasira, lar liu kusuni ka, anasa bel la longor lalan a elngena.”

Jon 10:5 Referencias Cruzadas

A Wakak a Warwara o e Iesu Karisito i tumusi 4:24

E Iesu i atai la mange, “Mulor nuknuk wakak ana sa ning mulo longori. Ning mulor longor wakak, dir saran a wakak a tastasman ta mulo. Pa mulor kibasi ir itna kol.

Luk 8:18

Mulor nuknuk wakak ana warwara ning mulo longori. Esining i tastasman ana warwara ane God, dir tabar ulaki ana galis. Ika, esining bel ta tastasman kaning tana, dir kepsen otleng siklik tastasman ning kaning tana.”

Jon 10:16

Anuk dingla na sipsip otleng, bel la kes ting na woroh na sipsip ne. Ar ben pas la otleng, pa lar longor a elngek, sur la rop lar kes ka ana takai a woroh, pa takai sot ka ir tena tai alar anunla.

Jon 10:4

Ning ka ben purum rop pas anuna sipsipla, i nigon la pa la muri, anasa la longor lalan a elngena.

2 Timoti 4:3

Anasa a taem ir hanot, ning a taraila bel lar mang sur a tostos a asasaer. Lar mur a nuknukinla, lar ben taum a galis a tena asaer tetek la, sur lar asaer la ana ututnala ning la mang sur lar longori.

1 Jon 2:19

Na hirua ane Karisito la lasan taum ondala, ika la ka han, anasa la bel tagun dala momol. Ngandek ning la tagun dala momol, lar kes tikin taum ondala. Ika anunla tinan kusun dala i asangani mang la bel tagun dala.

1 Jon 2:21

Bel a tumtumus tetek mulo kamkamna mang bel mulo tasman a momolna. A tumtumus tetek mulo anasa mulo ka tasman tar a momolna, pa a momolna bel i kamkamna on ta asasongo.

Tatatai 2:2

A tasman anumulo na titol pa anumolo na rakrakai a titol, pa anumulo a tuntunur rakrakai ning mulo kilang a kankan. A tasmani mang bel mulo noren tar na laulau a tarai. Pa mulo ka lar tar la ning la atong la na aposel, ika belsur la na aposel momol, pa mulo ka oroi lalan la mang na tena asasongo.