Jon 10:10 - Label

¹⁰ A tena kinkinau i hanot ka sur ir kinkinau, pa ir umkol a sipsipla pa ir alaulau la. Ika iau, a hanot sur lar kibas a lalaun, a lalaun ning i bukus ana wakakna.

Jon 10:10 Referencias Cruzadas

Matiu 18:10

“Gong mulo oroi purpurum pas ta halin kakakla ne. A atai mulo, anunla na angelola saot na langit la sira oroi a patar e Tata ning i kes saot na langit.

Matiu 20:28

Larka otleng ning a Nat a Barsan bel i hanot sur dir titol teteki. I hanot sur i ot ir titol tetek a tarai, pa ir saran tar anuna lalaun, a arlou, sur ir lou langolango pas a galis a tarai.”

Matiu 21:13

Pa i atai la mang, “Di ka tumus tari ting na Buk Tabu mang, ‘Dir atong anuka rumai ana rumai a nunung.’ Ais 56:7 Ika mulo ka keles pasi sur ir arlar ana ‘pukna na mumun ana tena kinkinaula.’” Jer 7:11

Matiu 23:13

E Iesu i atongi mang, “Ir laulau kol tetek mulo a tena asaerla tagun a warkurai pa a Parisaiola, mulo na tena asasongo. Mulo tagar alar a tarai sur gong la kas ana matanitu misaot na langit. Pa mulo ot, bel mulo kas ono, pa a tarai ning la mang sur lar kas, bel mulo noren la sur lar kas.

A Wakak a Warwara o e Iesu Karisito i tumusi 11:17

I asaer la mang, “Di ka tumus tari ting na Buk Tabu manglarne, ‘Dir atong anuka rumai mang a rumai a nunung sur a taraila miting na matanitu rop.’ Ais 56:7 Ika mulo ka tol lingir pasi sur ir arlar kama lar a ‘rumai anuna tena kinkinaula.’” Jer 7:11

Luk 19:10

Anasa a Nat a Barsan i hanot sur ir tai sur la ning la rongo pa ir alaun pas la.”

Jon 10:1

E Iesu i atongi mange, “A atong momoli ta mulo, esining bel i kas ana taman na woroh na sipsip, pa i abit kas ka usaui, i a tena kinkinau pa a tena ras oros a ututnala.

Jon 10:11

“Iau a wakak a tena tai alar anuna sipsipla. A saran tar anuka lalaun sur ar mat sur la.

Jon 12:47

Ning tik i longor anuk na warwarala pa bel i muri, iau, bel ar warkurai i. Anasa bel a hanot sur ar warkurai a rakrakan hanua, a hanot sur ar alauni.

Jon 12:6

Bel i maris a kapan a taraila. I atongi larne, anasa i sira tai alar anunla mani pa i sira kinau kumnani, anasa i a tena kinkinau.

Jon 3:17

E God bel i sune e Natnalik ute ana rakrakan hanua sur ir warkurai a ginina taraila sur lar mat. I sune i sur ir alaun la.

Jon 5:40

Ika bel mulo mang sur mulor han tetek iau, sur mulor kibas a lalaun.

Jon 6:33

Esaning i han purum misaot na langit, i ot a bret ane God, ning i saran a lalaun tetek a taraila rop te na rakrakan hanua.”

Jon 6:51

Iau a bret a lalauna, ning i han purum misaot na langit. Tik ning ir hangan tagun a bret ne, ir laun tikin. A bret ning ar artabar ono, a palaok. A sarani sur a taraila ana rakrakan hanua lar kibas lalaun onoi.”

A Pas ane Pol tetek a tarai Rom 2:21

Mulo asaer na tarai masik ana Warkuraila, ika mulo ot bel mulo asaer wakak pas mulo onoi! Mulo warawai tetek a taraila sur gong la kinkinau, ika mulo ot mulo kinkinau!

1 Timoti 1:15

Karisito Iesu i han purum ute na rakrakan hanua sur ir alaun a tena laulaula. A warwara ne i momol kol, pa dalar tortorot onoi. Pa iau, a laulau kol tana tena laulaula rop.

Hibru 6:17

Pa e God otleng, i arakrakai anuna lele ana risana ot, sur ir apuasa i tetek anuna tarai, la ning i tol tar anuna lele tetek la, mang bel ir lingir ulak a nuknukna.

Hibru 7:25

I maining e Iesu i tolsot pasi sur ir alaun a tarai ning la han tetek e God ana risana e Iesu. Ir alaun la pa lar laun tikin, anasa i laun tikin sur ir nunung onla.

2 Pita 1:11

pa e Iesu Karisito, anundala a Leklek pa nundala a Tena Alaun ir kibas pas mulo ana gasgas uting na nuna matanitu ning bel ir rop.