Jon 1:21 - Label

²¹ La deken ulaki mang, “U esi? U e Elaija?” Pa i keles la mange, “Belal, iau bel e Elaija.” La deken ulaki mange, “U a propet ning di atongi mang ir hanot?” I keles la mang, “Belal.”

Jon 1:21 Referencias Cruzadas

Matiu 11:14

La warwara ana propet Elaija ning ir hanot. Ning mulo mang sur mulor tortorot ana warwara ning, anone, a tinan ot ane Jon ka tolsot pasi, anasa i a propet Elaija ning ir hanot.

Matiu 16:14

La kelesi mang, “Dingla na tarai la atong u e Jon a Tena Baptais. Dingla la atong u, e Elaija, dingla la atong u, e Jeremaia, pa dingla otleng la atong u, ning a hal a propetla.”

Matiu 21:11

Pa a kunum a tarai ning la han taum onoi la atongi mang, “A barsan ne e Iesu, a propet mitumo e Nasaret ana papar Galili.”

Luk 1:17

Ir rakrakai arlar ana propet Elias, pa a magirana otleng ir arlar onoi. Ir nigo tana Leklek, sur ir ben taum na tamtamana kakakla tetek na natnatunla sur lar aremoro ulak, pa ir ben a tarai a tabun longor sur a wakak a nuknuk anuna tostos a tarai, sur ir sang a tarai anuna Leklek sur anuna tinan ot.”

Jon 1:22

Lamur la atai i mange, “U esi? Ur atai mila sur milar atai la ning la sune mila ute. Asa ning ur atongi hom?”

Jon 1:25

la dekeni mange, “U atongi mang, u bel e Karisito, pa bel otleng u e Elaija, pa bel u a propet, ning di atongi mang ir hanot. Ning i manglarning, sur asa u baptais a taraila?”

Jon 6:14

Ning a tarai la oroi a akinalang ne i toli, la atongi mange, “I momol ot, a barsan ne, i a Propet ning di atongi mang ir hanot ute na rakrakan hanua.”

Jon 7:40

Dingla na taraila tagun a kunum ning la longor a warwara ne, la atongi mange, “A momolna ot, a barsan ne a propet ning e God i sune i ute.”