Hibru 4:3 - Label

³ Dala ning dala ka tortorot o e God, dalar kas ana nuna hanua na manah. Ika e God ka atong tari onla ning bel la tortorot larne, “A balakut pa lele larne, ‘Bel lar kas ting na nuka hanua na manah.’” Buk Song 95:11 E God i atong a warwara ne ana raula ane Moses, ika i momol, nating ot i arop anuna titol ning i akes a rakrakan hanua, pa i manah. I maining ka sang tar anuna hanua na manah.

Hibru 4:3 Referencias Cruzadas

Matiu 13:35

I atongi larning sur dir tolsot pas a warwara anuna propet mang, “Ar warwara ana warwara larlarla, ar atong a ututnala ning i kes kumna, turpasi nating ot, ning e God i akes a rakrakan hanua.” Buk Song 78:2

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Epeses 1:4

E God ka aslang pas dala, ning dala ane Karisito, nating ot ning belot i akes a rakrakan hanua, sur dala totoh, pa bel dir arup sot pas dala on ta rongo namatana.

Hibru 3:11

I maining, a balakut pa a lele larne, ‘Bel lar kas ting na nuka hanua na manah.’” Buk Song 95:7-11

Hibru 3:14

Dala o e Karisito, ning dalar tur rakrakai ana tortorot tuk ana araropna, arlar larning dala turpasi nating.

Hibru 9:26

Ngandek ning ir manglarning, e Karisito kar hirua a galis a taem, turpasi ot ana kamkama a rakrakan hanua. Ika ana ararop a pukakiarla i hanot muntakai tar ka. I saran tar i ot sur a artabar tetek e God sur ir kamar sen a toltol laulaula.

1 Pita 1:20

E God ka aslang pasi nating ot ning belot i akes a rakrakan hanua, pa ana ararop a pukakiarla ne, ka hanot sur mulo.