Aposel 5:41 - Label

⁴¹ Pa a aposella la purum miting na kiwung, la gas, anasa e God i oroi la mang, la wakak sur lar kilang a meme ana risana e Iesu.

Aposel 5:41 Referencias Cruzadas

Luk 6:22

Mulo angis ning a tarai la nget mulo, pa ning la kepsen mulo pa la atong laulau mulo, pa ning la atong laulau a risamulo, anasa mulo na halal a Nat a Barsan.

Jon 15:21

Lar alaulau mulo anasa mulo anuki, anasa bel la tasman esaning i sune iau ute.

Aposel 21:13

Ika e Pol i keles la mange, “Sur asa ning mulo domos, pa mulo abal maris iau? A ka saran tar iau sur lar dot iau pa dir umkol iau otleng saot e Jerusalem, anasa ana risana Leklek e Iesu.”

Aposel 5:21

Pa ana komkobot ning ot, la kas ting na rumai a artabar pa la asaer a taraila, lar ning di ka atai tar la. Ning a ningnigo na tena artabar tetek e God taum ona halalnala la hanot, la kabah taum a tarai a kiwungla rop, a ningnigola anuna tarai Israel. Pa la arsune utumo na rumai a dodot sur dir ben pas a aposella.

A Pas ane Pol tetek a tarai Rom 5:3

Bel i ka i ning, dala gas otleng ana mamahatla ning dala kilangi, anasa dala tasmani mang a mamahatla i tol otnan anundala tuntunur rakrakai.

2 Korin 12:10

I maining a gas kol mang belal rakrakaik, pa ning di atong laulau iau, pa ana mamahatla, pa ning a taraila la akadik iau, pa ning a kilang a rakrakai a bal maris, anasa a tortorot o e Karisito. A gas, anasa ning belal rakrakaik, a rakrakai.

Pilipai 1:29

Anasa e God ka angis tar mulo. Bel ana numulo na tortorot ka ana Karisito ning i angis mulo, ana mamahat otleng ning mulo kilangi ana risana.

Hibru 10:34

Mulo mang kol sur la ning la kes ting na rumai a dodot pa mulo nangan la. Pa mulo gas ka ning a tarai la ras pas anumulo na ututnala, anasa mulo tasmani mang anumulo a ututnala masik, ning lar tur tikin, pa la wakak kol tana ututnala ning la ras pasi.

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Jems 1:2

Na tastasikla, ning al ngas a mamahat ir hanot tetek mulo, mulor gas,

3 Jon 1:7

La han ana risana e Karisito, pa bel la kibas harnangai tana taraila ning bel la tortorot.