Aposel 26:22 - Label

²² Ika e God i nangan iau tuk onone, pa a tur te na matam pa a warwara talapor tetek a tarai oros ka, pa a leklek a tarai otleng. Bel a atong ta tona utna, a warwara ka ana utna ning e Moses pa a propetla la ka warwara tar ono ning ir hanot.

Aposel 26:22 Referencias Cruzadas

Matiu 26:24

A Nat a Barsan ir hirua arlar larot ning di ka tumus tari ting na Buk Tabu. Ika ir laulau kol tetek a barsan ning ir saran tari tetek a hiruala. Ir wakak teteki ning bel dir agoni.”

Luk 16:28

Anasa dilima na tastasik barsan la kaning ia, pa ir atumarang tar la, sakana la otleng lar han ute na hanua na kankan ne.’

Luk 24:27

Turpasi ana bukla ane Moses pa a propetla, e Iesu i papak tetek diau ana ututnala rop di ka tumus tari onoi ot ting na Buk Tabu.

Luk 24:44

Pa i atongi tanla, “Ning a kes ot taum mulo, ia ka atong tar a warwara ne tetek mulo mang: A ututnala rop ning di ka tumus tari hok, ana warkuraila ane Moses, ana warwara anuna propetla pa ana Saksakla dir tolsot pasi.”

Luk 24:46

I atongi tanla mang, “Di ka tumus tari mang, a Karisito ir hirua, pa ana natol a pukakiar lamur ir laun ulak kusun a minat,

Jon 1:17

Ta e Moses, e God i saran tar a warkurai tan dala, ika o e Iesu Karisito i saran tar a marmaris pa a momolna tetek dala.

Jon 1:45

E Pilip i pastetek pas e Natanael, pa i atai i mange, “Mila ka pastetek pas a Karisito ning e Moses i warwara nigo tar ono ana Buk a warkurai, pa propetla otleng la ka warwara nigo tar ono ana nunla na tumtumus, i e Iesu a te Nasaret, a nat e Josep.”

Jon 5:39

Mulo sira was wakak a Buk Tabu, anasa mulo nuki mang mulor kibas a lalaun tikin ono. Ika a Buk Tabu otleng i warwara talapor ka hok!

Jon 5:46

Ning mulo tortorot o e Moses, io mulor tortorot otleng hok, anasa ka tumtumus nigo tar hok.

Aposel 10:43

A propetla rop la warwara o e Iesu, mang esining i tortorot onoi, dir kepsen anuna na toltol laulaula ana risana.”

Aposel 13:29

Ning la ka tolsot rop tar a warwarala ning la ka tumus tari onoi, la pak purumi kusun a rakai kutus, pa la aborbori ting na kulam a minat.

Aposel 24:14

“Ar atai talapor u mang, iau a mur a Ngas ane Karisito, ning la atongi ana asasongo na lotu. Ika ana lotu ne, a lotu ot tetek e God anuna tumtubumila tagun nating, pa a tortorot ana ututnala rop ning di ka tumus tari ana Warkuraila pa ana bukla anuna propetla.

Aposel 26:17

Pa ar alaun u kusun a tarai Juda, pa a tarai masik otleng, la ning ar sune u tetek la.

Aposel 26:6

Pa onone a tur ana warkurai anasa a tortorot ana lele ning e God ka tol tari tetek na tumtubumila tagun nating.

Aposel 28:23

La kubus pas ning a pukakiar sur lar warwara taum o e Pol. A kumun a tarai kol la hanot teteki ting na rumai ning i kes ono. Turpasi ana kobot tuk ana rah, i papak tetek la ana matanitu ane God, pa i atai talapor la o e Iesu, tagun a Warkuraila ane Moses pa a buk anuna propetla sur lar tortorot.

A Pas ane Pol tetek a tarai Rom 3:21

Ika onone, e God ka tol a ngas sur a tarai lar tostos namatana, ika bel ana mur warkurai. A ngas ne, a Buk a warkurai ane Moses pa a propetla la ka warwara talapor tar onoi.

1 Korin 15:3

Anasa a warwara ning ia ka kibas pasi, ia ka saran tari tamulo pa i itna kol. I manglarne: E Karisito i mat sur anundala na toltol laulau, larning di ka tumus tari ting na Buk Tabu.

1 Korin 15:4

Di akas tari ting na kulam a minat, pa natol a pukakiar lamur e God i akamtur ulak pasi kusun a minat, larning di ka tumus tari ting na Buk Tabu.

2 Timoti 3:11

a toltol ning la toli hok, pa a kankan a kilangi. U tasman rop a tnan kankan ning a kilangi to e Antiok, Ikonion pa e Listra. Ika a Leklek ot i alaun pas iau kusun a mamahatla rop ne.

Tatatai 11:18

Na matanitu masik la balakut, pa anuma balakut otleng ka hanot. A taem ka hanot sur ur warkurai la ning la mat, pa ur saran a arlou tetek anum na tena titol oros, a propetla pa anum na tarai, pa la ning la hanrawai a risam, la ning bel al risanla pa la ning la leklek, pa ur kamar sen la ning la alaulau a rakrakan hanua.”

Tatatai 15:3

La saken a saksak ane Moses, a tena titol oros ane God, pa saksak ana Nat a Sipsip mang, “Leklek e God u rakrakai kol, anum na titol la itna pa di kulkulan kol on la. U a King ana mangis a tarai rop, anum na toltol la tostos pa la momol.

Tatatai 20:12

Pa oroi a minatla rop, la ning la leklek pa la ning bel al risanla, ning la tur tar salanigo na keskes a king, pa di sapang a bukla. Di sapang ulak ning a buk, a buk a lalaun. Pa di warkurai a minatla arlar ana anunla a titolla ning di ka tumus akes tari ting na bukla.