Aposel 17:10 - Label

¹⁰ Ning i morom purum, la ning la tas ana tortorot la sune e Pol pa e Sailas uto e Beria. Ning dia ka hanot tingia, dia kas uting na rumai lotu anuna tarai Juda.

Aposel 17:10 Referencias Cruzadas

Aposel 1:15

Ona ning a pukakiar na arpotor tana pukakiarla ning, a tena tortorotla la kes taum, la rop la arlar ana takai amar pa pisir naur a bonot. E Pita i tur pa i atongi mang,

Aposel 15:22

A aposella, pa dingla na ningnigo, taum ana tarai a lotu rop, la warwara taum sur lar aslang pas ir naur a barsan tagun la, sur diar han taum o e Pol pa e Barnabas utumo e Antiok. La aslang pas e Judas, ning a risana otleng e Barsabas, pa e Sailas, naur a ningnigo tagun la ning la tas ana tortorot.

Aposel 17:1

Ning e Pol pa e Sailas dia bolos e Ampipolis pa e Apolonia, dia hanot tumo e Tesalonika. Ning a rumai lotu anuna tarai Juda kaning ia.

Aposel 17:2

Pa e Pol i kas tetek la ting na rumai lotu larning i sira toli. Ana natol a Pukakiar Sabat ot, i warwara taum onla ana Buk Tabu.

Aposel 17:4

Dingla na tarai Juda pa galis a te Grik ning la lotu tetek e God, pa galis a ningnigo na gurarala otleng la tortorot ning la longor a warwara, pa la mur e Pol pa e Sailas.

Aposel 17:6

Ika bel la pastek diau. La dat pas e Jeson pa dingla na tarai otleng ning la tas ana tortorot, tetek a ningnigola ana hanua ning, pa la warwara kol mange, “A taraila ne la tol a tatatnan mamahatla ting na hananuala te na rakrakan hanua, pa onone, la hanot kale tetek dala!

Aposel 20:4

Pa e Sopater, a te Beria, a nat e Pirus, pa naur a te Tesalonika, e Aristarkus pa Sekundus, e Gaius a te Derbe, pa e Timoti, pa naur a te Esia, Tikikus pa e Tropimus, la armuri taum o e Pol.

Aposel 9:20

Pa i turpas a warawai kakat ana rumai lotula anuna tarai Juda, mang e Iesu a Nat e God.

Aposel 9:25

Ika anuna kakak a asaer lar ben pasi ana morom, pa la alorong purumi ana rat ting na ris a woroh ning di tol alar a hanua ono.

1 Tesalonika 2:2

Mulo tasmani mang lanigo tana numitol a tinan ot tetek mulo, a tarai la alaulau mitol pa la ame mitol to e Pilipai. Ika ana harnangai anuna nundala God, mitol rakrakai ot sur mitol ar atatai ana nuna Wakak a Warwara tetek mulo, pa bel mitol matatan la ning la sairas rakrakai mitol.